«Ultym basqa bolǵanymen, júregim qazaq»: О́zge ult ókilderi qazaqtarǵa tán qandaı qundylyqtardy ulyqtaıtynyn aıtty

Qazaqstanda turatyn ózge etnos ókilderi halqymyzdyń qundylyǵyn sińirip, ózderin naǵyz qazaq sezinedi. Qazaqstandyq káris, orys jáne ózbek jigitteri.

Vladımır Chepel – Assambleıanyń belsendi múshesi. Ulty orys bolǵanymen, júregi qazaq dep soǵatyn 30 jastaǵy azamat Almaty oblysy, Aqsý aýdany Qapal aýyldyq okrýgy ákim apparatynyń bas mamany bolyp jumys isteıdi. 2017 jyldan bastap Almaty oblysy Qazaqstan halqy Assambleıasynyń etnomádenı birlestikteriniń jas ókilderi arasynda memlekettik tildi oqytý ortalyǵynda qazaq tilin meńgerem deýshilerge kómektesedi.  

Onyń aıtýynsha, qazaq halqynyń úlkenderge qurmet kórsetýi ony basqa ulttardan erekshe etedi. Qazaqtarmen etene baılanysy osy qundylyqty damytty deıdi.