ۇلىبريتانيا سانكتسياسىنا ىلىككەن قازاقستاندىق كومپانيالار تولىققاندى قىزمەتپەن اينالىسپايدى

فوتو: اشىق دەرەككوز

بۇل تۋرالى ۇلتتىق ەكونوميكا ءمينيسترى نۇرلان بايبازاروۆ ايتتى, دەپ جازادى qandastar.kz atamekenbusiness_qaz-عا سىلتەمە جاساپ. 

سوزىنشە, بۇل كومپانيالار كوبىنەسە ناقتى ەكونوميكالىق قىزمەتتى جۇرگىزبەيتىن «ءبىر كۇندىك» كومپانيالار بولىپ تابىلادى.

«تەكسەرىس كەزىندە ءبىز كومپانيالاردىڭ اشىلىپ, كەلىسىمگە وتىرعانىن, سودان كەيىن جوعالىپ جاتقانىن كورەمىز. 

باتىستىڭ قارجىلىق قىزمەتتەرى مۇنداي جاعدايلاردى فاكتىدەن كەيىن تىركەپ, كومپانيالاردى سانكتسيا تىزىمىنە قوسادى», – دەدى مينيستر. 

وسى رەتتە مينيستر قازاقستان امەريكاندىق جانە ەۋروپالىق سانكتسيالاردى باقىلاۋ قىزمەتتەرىمەن قول جەتكىزىلگەن حالىقارالىق كەلىسىمدەردى ۇستاناتىنىن اتاپ ءوتتى.

ەسكە سالايىق, 7 قاراشادا ۇلىبريتانيا رەسەيدىڭ اسكەري ونەركاسىپ كەشەندەرىن قولداعان كومپانيالار مەن رەسەي قولدايتىن جەكەمەنشىك اسكەري توپتارعا جاڭا سانكتسيا سالدى. سانكتسيا سالىنعان 56 جەكە تۇلعا مەن كومپانيالار اراسىندا التى قازاقستاندىق فيرما دا بار: Stanex Group, Kazstanex, Zapchasttrade, Rabadaziya, CPS Energy, Tawkz.