Ulybrıtanııa sankııasyna ilikken qazaqstandyq kompanııalar tolyqqandy qyzmetpen aınalyspaıdy

Foto: ashyq derekkóz

Bul týraly Ulttyq ekonomıka mınıstri Nurlan Baıbazarov aıtty, dep jazady qandastar.kz atamekenbusiness_qaz-ǵa silteme jasap. 

Sózinshe, bul kompanııalar kóbinese naqty ekonomıkalyq qyzmetti júrgizbeıtin «bir kúndik» kompanııalar bolyp tabylady.

«Tekseris kezinde biz kompanııalardyń ashylyp, kelisimge otyrǵanyn, sodan keıin joǵalyp jatqanyn kóremiz. 

Batystyń qarjylyq qyzmetteri mundaı jaǵdaılardy faktiden keıin tirkep, kompanııalardy sankııa tizimine qosady», – dedi mınıstr. 

Osy rette mınıstr Qazaqstan amerıkandyq jáne eýropalyq sankııalardy baqylaý qyzmetterimen qol jetkizilgen halyqaralyq kelisimderdi ustanatynyn atap ótti.

Eske salaıyq, 7 qarashada Ulybrıtanııa Reseıdiń áskerı ónerkásip keshenderin qoldaǵan kompanııalar men Reseı qoldaıtyn jekemenshik áskerı toptarǵa jańa sankııa saldy. Sankııa salynǵan 56 jeke tulǵa men kompanııalar arasynda alty qazaqstandyq fırma da bar: Stanex Group, Kazstanex, Zapchasttrade, Rabadaziya, CPS Energy, Tawkz.