ۇلىتاۋ وبلىسىندا ايتەنوۆتەر وتباسى داۋىس بەردى

وبلىس ورتالىعى – جەزقازعان قالاسىندا رەسپۋبليكالىق «مەرەيلى وتباسى» جوباسىنىڭ قاتىسۋشىلارى ايتەنوۆتەر جانۇياسى وتباسىمەن كەلىپ ءوز داۋىستارىن بەردى. ولار ەلىمىزدە وتكەن بىردە-ءبىر سايلاۋدان تىس قالعان ەمەس.

ەستەرىڭىزگە سالايىق, رەسپۋبليكالىق «مەرەيلى وتباسى» ۇلتتىق بايقاۋىنىڭ ۇلىتاۋ وبلىسىنان قاتىسۋشىلارى ايتەنوۆتەر وتباسى – مەتاللۋرگتەر ديناستياسى. تاۋ-كەن سالاسىنداعى اۋلەتتىڭ جالپى ەڭبەك ءوتىلى 442 جىلعا جەتەدى.
9 بالاسى, 36 نەمەرەسى, 70 شوبەرەسى, 3 شوپشەگى بار شاڭىراق, شىن مانىندە, ەلگە ۇلگى-ونەگە.

ۇلىتاۋ وبلىسىندا داۋىس بەرۋ بەلسەندى جۇرۋدە. بۇگىنگى سايلاۋعا وبلىس تۇرعىندارىنىڭ كوبىسى ۇلتتىق كيىمدە كەلۋدە.

ۇلىتاۋ وبلىسىندا پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋى جۇرۋدە.

ازاماتتار 19 ناۋرىزدا ساعات 20:00-گە دەيىن ءوز داۋىستارىن بەرە الادى.

وڭىردە بارلىعى 134 سايلاۋ ۋچاسكەسى جۇمىس ىستەيدى.