Jańalyqtar
Ulytaý oblysynda qaza bolǵan jeti kenshiniń otbasylaryna jalaqylarynyń 10 eselengen mólsheri beriledi
Foto: Istock.com
Ulytaý oblysynyń ákimdigi men «Qazaqmys Korporaııasy» JShS Jomart kenishinde mert bolǵan qyzmetkerlerdiń otbasylaryna kómektesetinin málimdedi, dep jazdy qandastar.kz
Bul týraly Stan.kz aqparat agenttigi habarlaıdy.
Ulytaý oblysynyń ákimdigi ken ornynda qaza tapqan jumysshylardyń otbasylary men jaqyndaryna psıhologııalyq jáne áleýmettik qoldaý kórsetetinin málimdedi. Qaıǵyly oqıǵaǵa baılanysty óńir basshysy Dastan Ryspekov kóńil aıtty.
«Qaıǵyly oqıǵa barshamyzdyń júregimizge aýyr tıdi. Bul jaǵdaı – birneshe otbasy úshin orny tolmaıtyn qaza. Mert bolǵan kenshilerdiń týǵan-týystaryna, jaqyndaryna shyn júrekten kóńil aıtamyn. Bul qasiret barshamyz úshin ońaıǵa soqqan joq. Qaza tapqandardyń otbasylaryna qajetti kómek kórsetý úshin barlyq tıisti shara qabyldanady», – delingen kóńil aıtý jedelhatynda.
“Qazaqmys” moraldyq zııandy óteý úshin, qaza tapqandardyń otbasylaryna jumyskerdiń ortasha jyldyq jalaqysynyń 10 eselengen mólsherin beredi. Sondaı-aq jerleý rásimderin uıymdastyrýǵa 2 mıllıon teńgeden astam qarjy tólenedi eken.
“Asyraýshysynan aıyrylý jaǵdaıyna aı saıynǵy tólem, balalardyń oqý aqysyn tóleý, qaza tapqan jumysshylardyń nesıe jáne qaryzdaryn jabý, sondaı-aq otbasy músheleriniń ótinishi boıynsha basqa da kómek túrleri qarastyrylǵan”, – dep málimdedi korporaııanyń baspasóz qyzmeti.
Eske salsaq, buǵan deıin Ulytaý oblysyndaǵy kenishte jeti jumysshy úıindi astynda qalǵany aıtylǵan edi. 18 aqpan tańda jeti qyzmetkerdiń denesi tabyldy.
