ULYTAÝDA SÝ TASQYNYNAN ZARDAP ShEKKEN OTBASYLARDYŃ ShYǴYNY О́TELEDI

Ulytaý oblysynda sý tasqynynan zardap shekken otbasylardyń shyǵyny tolyq óteledi. Arnaıy komıssııa kelgen zııannyń kólemin esepteı bastady.

Budan bólek eriktilerdiń uıymdastyrýymen demeýshiler men qarapaıym turǵyndar da jylý jınap jatyr. 10 shaqty úıdi sý shaıyp ketken Jezdi kentine Parlament Májilisiniń depýtattary baryp, jaǵdaıdy kózben kórdi. Birneshe kún boıy jurtty ábigerge salǵan tasqynnyń qazir beti qaıtqan. О́zen sýy tómendep, turǵyndar qalypty tirligine kóshti. Úıleri turýǵa jaramsyz bolǵan otbasylarǵa ýaqytsha baspana berildi.

Gúlden Ijazınova, Jezdi kentiniń turǵyny: — Jaǵdaıymyz osy, kórip turǵandaı. Sýǵa ketti barlyǵy. Jóndeýge kelmeıdi. О́ıtkeni jóndegenmen úı syrost bolyp turady. Tamaqtan kómektesip jatyr. Ýaqytsha turýǵa úı berildi. Amanjol Áltaı QR Parlamenti Májilisiniń depýtaty: — Turýǵa kelmeıtin jańadan salýdy qajet etetin úıler de bar eken. Jańa kózimizben kórdik. Keıbir úılerde sý deńgeıi 1 metrge deıin kóterilgen. Onyń barlyǵy endi myna tótenshe jaǵdaı jarııalanǵannan keıin árıne jańadan úı salý kerek shyǵar dep oılaımyn.