ءۇندىستاندا نوسەر جاۋىن سالدارىنان 44 ادام قازا تاپتى

ءۇندىستاننىڭ جەتى شتاتىندا نوسەر جاۋىن, سۋ تاسقىنى مەن كوشكىن سالدارىنان 44 ادام قازا تاپتى, دەپ حابارلايدى Qandastar.kz اقپارات پورتالى NDTV-عا سىلتەمە جاساپ.

29 مامىردان بەرى ەلدىڭ سولتۇستىك-شىعىسىندا نوسەر جاڭبىر جاۋىپ جاتىر. وسى ۋاقىت ارالىعىندا 44 ادام قايتىس بولدى. توتەنشە جاعدايلاردى باسقارۋ ورگاندارىنىڭ مالىمەتىنشە, قازا بولعاندار سۋعا باتۋ, كوشكىن جانە باسقا دا اپاتتاردان بولعان.

اسسام شتاتىندا اپاتتارمەن كۇرەس جونىندەگى مەملەكەتتىك باسقارماسىنىڭ (ASDMA) ەسەبىنە سايكەس, 21 اۋداندا 6,33 ميلليوننان استام ادام سۋ تاسقىنى مەن جاڭبىردان زارداپ شەكتى. ەسەپتە 1506 اۋىلدا 14 739 گەكتاردان استام اۋىلشارۋاشىلىق القابىنىڭ زارداپ شەككەنى ايتىلادى» — دەپ حابارلايدى باسىلىم. تومەنگى سۋبانسيري اپاتى 170 ءتۇرلى ءۇيدى زاقىمدادى. سونداي-اق 50-دەن استام جول, 16 ەلەكتر جەلىسى, 25 سۋ قۇبىرى جانە ەكى مەكتەپ زاقىمدانعان.

ءۇندىستاندا سوڭعى 10 كۇندە 552 جەر كوشكىنى تىركەلدى. جاڭبىر سالدارىنان 152 ءۇي قيراپ نەمەسە زاقىمدانعان. 300-دەن استام وتباسى كوشكىن نەمەسە ۇيلەرىنىڭ زاقىمدانۋى سالدارىنان ۇيلەرىن تاستاپ, اپاتقا بايلانىستى ەۆاكۋاتسيالانۋدا.