جاڭالىقتار
ءۇندىستاننىڭ سوققىسىنان پاكىستاندا 26 ادام قازا تاپتى
پاكىستان بيلىگىنىڭ مالىمەتىنشە, ءۇندىستاننىڭ سوققىسى ناتيجەسىندە 26 ادام قازا تاپتى. بۇل تۋرالى qandastar.kz سايتى حابارلايدى.
پاكىستان بيلىگىنىڭ مالىمەتىنشە, 7 مامىر كۇنى تاڭەرتەڭگى جاعداي بويىنشا ۇندىستاندىقتاردىڭ ەل اۋماعىنا جاساعان سوققىلارى سالدارىنان 26 تۇرعىن قازا تاۋىپ, 46-سى جارالانعان.
سوققىلار التى ازاماتتىق نىساناعا تيگەن, ولاردىڭ ەشقايسى اسكەري بازا ەمەس. ءۇندىستان بۇل سوققىلاردىڭ تەك «بەلگىلى لاڭكەستەردىڭ لاگەرلەرىنە» باعىتتالعانىن العا تارتادى.
پاكىستان قورعانىس مينيسترلىگىنىڭ وكىلى اسكەريلەر ءۇندىستاننىڭ بەس جويعىش ۇشاعىن اتىپ تۇسىرگەنىن ايتتى.ءۇندىستان بيلىگى بۇل اقپاراتتى راستامايدى.
ۆۆس باسىلىمىنىڭ دەرەككوزدەرىنىڭ ايتۋىنشا, كاشمير اۋماعىندا ءۇندىستان اۋە كۇشتەرىنىڭ ءۇش ۇشاعى قۇلاعان. الايدا ءۇندىستان ۇكىمەتى بۇعان قاتىستى مالىمدەمە جاسامادى.
ەسكە سالساق, پاكىستان اسكەرى ءۇندىستان اۋە كۇشتەرىنىڭ زىمىراندارمەن سوققى جاساعانىن مالىمدەگەن ەدى.
