“Ýra, endi maǵan uryspaısyzdar!“. Qaraǵandy ákiminiń jazbasy jurtty kúldirdi

Foto: Kýrsıv.kz

Qaraǵandy qalasynyń ákimi Meıram Kojýhov Instagram-paraqshasynda jol qurylysy aıaqtalǵany týraly jazyp, jurtty kúldirdi, – dep habarlaıdy qandastar.kz Massaget.kz materıalyna súıenip.

«Ýra! Dostar, meni erteńnen bastap uryspaıtyndaryńyzǵa qýanyp otyrmyn! Bul sátti sizderden buryn men qatty kúttim. Chetskaıa kóshesindegi jóndeý jumystarynyń aıaqtalýyna az qaldy. Men qatty qýanyp otyrmyn.

Buǵan deıin Dúısembekov kóshesinen Buqar jyraý kóshesine deıingi joldy ashqan bolatynbyz, deıdi.

Meıram Kojýhov qalǵan kóshelerdegi jóndeý jumystary ne úshin keshigip jatqanyn túsindirgen.

Ákimniń oqyrmandary bul jazbasyna túrli pikir qaldyrǵan.

«Kim ne dese de – jaraısyz! Sizdi betpe-bet kórip, sózimen emes, isimen dáleldep júrgen birinshi ákimsiz!»

«Kúshti jańalyq, raqmet sizge! Jumyskerlerdiń de eńbegi zor, jaraı̆syzdar!»

«Osylaı eldiń batasyn alýǵa tyrysý kerek», – deıdi jeli qoldanýshylary.  

Aıta keteıik, Meıram Kojýhov 2023 jyldan bastap Qaraǵandy qalasynyń ákimi bolyp qyzmet etip kele jatyr. Buǵan deıin ol qala ákiminiń orynbasary bolǵan.

Ákim áleýmettik jelide belsendi. Onyń Instagram-paraqshasynda 14 myń oqyrmany bar.