Утиль алымын алып тастау туралы петиция 5 шілдеге дейін комиссия қарауында болады

Өнеркәсіп министрі Қанат Шарлапаев петицияны қарау үшін арнайы комиссия құрылатынын айтты. Олар аймақтарға барып, кеңес жүргізіп, қоғамдық тыңдалымдар болады. Барлық процесс 40 күнге созылуы мүмкін. 

Оның сөзінше, 50 мыңнан аса қол жинаған петициялардың барлығы осы ретпен қаралады. Сондықтан алдын ала ештеңе айта алмайтынын жеткізді. 

Еске салайық, бұған дейін утиль алымын алып тастау туралы петиция 50 мыңнан аса қол жинаған еді. Заңға сәйкес мұндай петициялар үкімет деңгейінде қаралуы керек.