«Úsh saǵat boıy sýyq júk kóliginde qınady»: Qurylysshylar olıgarh О́temuratovtan qysym kórip jatqanyn aıtyp, prezıdentke shaǵymdandy

Foto: Stan.kz / Merdiger Danııar Omarov jáne Bolat О́temuratov pen uly Álıdar О́temuratov

3 jyl buryn О́temuratovtar otbasynyń vıllasyn salyp bergen qurylysshy Danııar Omarov qylmystyq is boıynsha ádiletsizdikti toqtatýdy surap, Qasym-Jomart Toqaevqa júgindi. Onyń aıtýynsha, Álıdar О́temuratovtyń qaramaǵyndaǵylar eki jyldan keıin merdigerlerge 1,5 mıllıard teńgeni urlady dep aıyp taqqan. Artynsha polıeıler eki qurylysshyny Danııar Omarovqa qarsy kýálik berý úshin júk kóliginde qamap ustap, qysym kórsetken. Bul týraly qandastar.kz Stan.kz aqparat agenttigine silteme jasap habarlaıdy.

Byltyr 18 qarashada áleýmettik jelide Omarov Danııar pen Aleksandr Bajeja ádiletsizdik týraly aıtyp, úndeý jasady. Ekeýi úsh jyl buryn basqa merdigerlermen birge Almatyda Álıdar О́temuratovtyń otbasyna vılla salǵan jaýapkershiligi shekteýli seriktestikte 2021-2023 jyldar aralyǵynda jumys istegen. Merdigerler jumysty bolashaq vılla ıesimen jeke kelisimshartqa saı istegen.

Barlyq jumys belgilengen merziminde oryndalyp, avtorlyq jáne tehnıkalyq qadaǵalaýdan ótken soń qabyldanǵan kórinedi. Alaıda úıdiń qurylysynan eki jyl ótken soń 1,5 mıllıard teńge urlady dep aıyptalǵan.

«Biz, Danııar Omarov pen Aleksandr Bajeja, sondaı-aq taǵy tórt áriptesimiz, olıgarhat pen quqyq qorǵaý organdarynyń tyǵyz baılanysynan zardap shektik. Álıdar Bolatuly О́temuratovtyń qaramaǵyndaǵylardyń aryzy boıynsha, bizge 1,5 mıllıard teńge somasynda qylmystyq is qozǵalyp jatyr dep esepteımiz. Birinshiden, bul soma obektıvti jáne kásibı esepteýlermen rastalmaǵan. Sondyqtan biz bul aıypty oıdan shyǵarylǵan dep sanaımyz. Ekinshiden, bizde bul somanyń eshqandaı bóligi – ne aqshalaı, ne basqa túrde bolǵan emes. Merdigerlerge arnalǵan barlyq tólemder tek О́temuratov bekitken mólsherde tólenip otyrdy. Úshinshiden, is negizdelgen sot-qurylys saraptamasy, bizdiń oıymyzsha, jalǵan. Is-materıaldarynda saraptama obektiler joıylǵannan keıin júrgizilgeni týraly jazylǵan. Iaǵnı, joq nysandy qalaı zertteýge bolady?» – dedi Danııar Omarov.

Danııar Omarovtyń aıtýynsha, polıııa qurylysshylardy qorqytyp, О́temuratovtyń yqpalyn meńzegen. Budan bólek ol keı joǵary laýazymdy quqyq qorǵaý organ ókilderi isti О́temuratovtyń paıdasyna sheshý týraly buıryq aldy degendi tilge tıek etti.

Alaıda bul vıdeoúndeýden keıin qurylysshy 21 qańtarda taǵy da kómek surap shyǵady. Onyń aıtýynsha, jaǵdaı osydan soń shıelenisip, áriptesterin májbúrlep qınaı bastaǵan.

«О́kinishke qaraı, ádiletsizdik jalǵasyp jatyr. Aldyńǵy vıdeoúndeýimnen keıin tergeý isi tipti sýbektıvti sıpat alyp ketti. Tergeý men prokýratýranyń áreketteri azamattyq-quqyqtyq daýlardy qasaqana qylmystyq iske aınaldyrýǵa uqsaıdy», – dep málimdedi Danııar Omarov óz úndeýinde.

Onyń aıtýynsha, Almaty qalasynyń Medeý aýdany polıııa basqarmasy men prokýratýrasy eki merdigerdi tutqyndap, qysym kórsetken.

«Medeý aýdany polıııa basqarmasynyń tergeýshisi Hakberdıev, Tımýrov jáne aýdandyq prokýratýra merdigerlerdi qamaýǵa aldy. Ustalǵandardy úsh saǵat boıy sýyq júk kóliginde (avtozakta) qamap, qysym kórsetken. Jalǵan kýálik berse, bosatamyz dep usynys jasaǵan. Bul týraly maǵan olardyń jubaılary habarlasyp aıtty, kómek surady,» – dedi Omarov.

Danııar qurylys tolyq jáne zańdy túrde oryndalǵanyn dáleldeıtin foto jáne beınematerıaldar bar ekenin atap ótti. Biraq tergeý bul dálelderdi elemeı otyr.

«8 jyl boıy Bolat Jámıtuly О́temuratovtyń ártúrli qurylys jobasynda adal jumys istedim. Arystaǵy jarylys pen Myrzakenttegi sý tasqynynan keıin úılerdi qaıta salýǵa atsalystym. Prezıdenttiń qolynan «Eren eńbegi úshin» medalin aldym. Qurmetti Bolat Jámıtuly, sizge de júginemin. Men jáne áriptesterimniń óz sózin aıtýyna múmkindik berińiz,» – dep ótindi Omarov.

Danııar Omarov ádiletti Jańa Qazaqstannyń qundylyqtaryna senetinin jáne óz aqıqatyn qorǵaýǵa daıyn ekenin málimdep, Ishki ister mınıstri men Bas prokýrordy obektıvti tergeý júrgizýge shaqyrdy.

Bul iske qatysty Almaty polıııa departamentinen jaýap ala almadyq. Sonymen qatar redakııa Bas prokýratýraǵa resmı suranys jiberdi.