ۇشاقتا ادەپسىز سوزدەر ايتقان تۇرسىنبەك قاباتوۆ 5 تاۋلىككە قامالدى

ۇشاقتا ادەپسىز سوزدەر ايتقان تۇرسىنبەك قاباتوۆ 5 تاۋلىككە قامالدى.,-دەپ حابارلايدى Qandastar.kz

استانا قالالىق اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتى ۇساق بۇزاقىلىق جاساعانى ءۇشىن ايىپتالعان ادامعا قاتىستى ءىستى قارادى (اقبتك-ءنىڭ 434-بابىنىڭ 1-بولىگى).

ءىس ماتەريالدارىنا سايكەس, ايىپتالۋشى ۇشاق بورتىندا ماس كۇيىندە ادەپسىز سوزدەر ايتقان.

سوتتا ول ستيۋاردەسسالاردىڭ ناشار قىزمەتىنە كوڭىلى تولمايتىنىن ايتىپ, ولارعا ءوز ەسكەرتۋىن بىلدىرگەن. ول ءوزىنىڭ ادەپسىز ءسوز ايتقانى نەمەسە ايتپاعانى ەسىندە جوقتىعىن العا تارتقان, بىراق قوعامدىق ءتارتىپتى بۇزعانى ءۇشىن كەشىرىم سۇراعان.  كۋا (اعا ستيۋاردەسسا) قۇقىق بۇزۋشىنىڭ ۇشاق بورتىندا ماس كۇيىندە بولعانىن جانە ادەپسىز سوزدەر ايتىپ, سول ارقىلى قوعامدىق ءتارتىپ پەن ازاماتتاردىڭ تىنىشتىعىن بۇزعانىن راستاعان.

قۇقىق بۇزۋشىنىڭ كىناسى كۋانىڭ ايعاقتارىمەن, جولاۋشىنى پوليتسياعا بەرۋ اكتىسىمەن, بەينەجازبامەن جانە مەديتسينالىق ساراپتاما قورىتىندىسىمەن راستالادى.

اقبتك-ءنىڭ 434-بابىنىڭ 1-بولىگىنىڭ سانكتسياسىندا 20 اەك كولەمىندە ايىپپۇل سالۋ نەمەسە 5-تەن 15 تاۋلىككە دەيىن اكىمشىلىك قاماققا الۋ كوزدەلگەن.

سوت جاسالعان ءىس-ارەكەتتىڭ كولەمى مەن سيپاتىن, قوعامعا تەرىس اسەر ەتەتىن جانە قوعامدى سىيلاماۋشىلىقتى كورسەتۋگە باعىتتالعان, لايىقسىز مىنەز-ق ۇلىقپەن كورىنەتىن قۇقىققا قارسى مىنەز-ق ۇلىقتىڭ جالعاسۋىن ەسكەرە وتىرىپ جازا تاعايىندادى.

ايىپتالۋشى اقبتك-ءنىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلدى. ول اكىمشىلىك جازاعا تارتىلدى – 5 تاۋلىككە قاماۋعا الىندى.