ۇشاقتا دەپۋتات ەرمۇرات ءباپيدىڭ دەنساۋلىعى كۇرت ناشارلاپ, اۋىرىپ قالدى

فوتو:قازتاگ

دەپۋتات ەرمۇرات ءباپي الماتى-پحۋكەت باعىتىنا ۇشۋ بارىسىندا مەديتسينالىق كومەككە جۇگىندى.

اۋە كەمەسىنىڭ ەكيپاجى جولاۋشىنىڭ دەنساۋلىعىنىڭ ناشارلاۋىنا بايلانىستى شۇعىل كومەك كورسەتتى. بۇل تۋرالى qandastar.kz  Stan.kz اقپارات اگەنتتىگىنە سىلتەپ حابارلايدى.

پارلامەنت ءماجىلىسىنىڭ دەپۋتاتى ەرمۇرات ءباپي الماتىدان پحۋكەتكە ۇشقان كەزدە قان قىسىمى كۇرت ءتۇسىپ, اۋىرىپ قالدى.

اۋە كەمەسىنىڭ ەكيپاجى دەرەۋ قاجەتتى مەديتسينالىق كومەك كورسەتتى. جولاۋشىلار اراسىندا دەپۋتاتتىڭ قان قىسىمىن ولشەگەن دارىگەر بولعان. ال ستيۋاردەسسالار ونىڭ جاعدايىن تۇراقتاندىرۋ ءۇشىن كوفە ۇسىنعان.

ەرمۇرات ءباپي جاعدايى تەز قالپىنا كەلىپ, ءوزىن جاقسى سەزىنەتىنى جەتكىزدى.

«ۋايىمداۋدىڭ قاجەتى جوق. قورقاتىنداي نارسە بولمادى. شۇعىل ارادا قونۋ تۋرالى اڭگىمە بولمادى”, – دەدى دەپۋتات.

ۇشاق مارشرۋتتى ءساتتى اياقتاپ, پحۋكەت اۋەجايىنا كەشىكپەي, ءوز ۋاقىتىندا جەتتى.