جاڭالىقتار
«ۇستىنە سەكىرگەن»: تەمىرتاۋدا 6 ادام ءبىر جىگىتتى 3000 تەڭگە ءۇشىن سوققىعا جىقتى
سۋرەت: Temirtau.times
تەمىرتاۋ قالاسىندا التى ادام ءبىر جىگىتتى سوققىعا جىققان. سالدارىنان مۇرنى سىنىپ, باس ميى شايقالعان, دەپ حابارلايدى qandastar.kz KYN.KZ ءتىلشىسى سىلتەمە جاساپ.
بۇل تۋرالى جابىرلەنۋشىنىڭ اپكەسى الەۋمەتتىك جەلىدە جاريالادى.
«كەشە ساعات 21:30-دا ءىنىمدى التى ادام اياۋسىز سوققىعا جىقتى. بەلگىسىز ادامدار ونىڭ ۇستىنە سەكىرىپ, التاۋى بىرگە ءبىر ادامدى ۇردى. مۇرنىن سىندىرىپ, قۇلاعىنان قان اققان, باس ميى شايقالىپ, ساۋساعى مەن ءتىسى سىنعان. ولاردىڭ ماقساتى — ءىنىمدى توناۋ بولدى. نەبارى 3 مىڭ تەڭگە ءۇشىن وسىنداي قاتىگەزدىك جاسادى. وسى جاعدايمەن بولىسكىم كەلدى, بالالارىڭىزعا قاراڭىزدار», — دەدى جابىرلەنۋشىنىڭ اپكەسى.
قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى اتالعان فاكتى بويىنشا قىلمىستىق ءىس قوزعالعانىن حابارلادى.
«اتالعان فاكتى بويىنشا قىلمىستىق ءىس قوزعالدى. قازىر پوليتسەيلەر كۇدىكتىلەردى انىقتاپ جاتىر. وقيعانىڭ ءمان-جايى انىقتالۋدا. تولىعىراق اقپارات قوسىمشا بەرىلەدى», – دەلىرنگەن حابارلامادا.
