جاڭالىقتار
ۇياتىن-اي, حالىق اش, تاماققا ەمەس: Apple Fest فەستيۆالىندە فوتوستەندتى كەلۋشىلەر ءبىر ساعاتتا جوق قىلعان.
فوتو: ۆيدەودان سكرينشوت
15 قىركۇيەكتە تۇڭعىش پرەزيدەنت ساياباعىندا «الماتى – ءبىزدىڭ ورتاق ءۇيىمىز» ۇرانىمەن Apple Fest فەستيۆالى ءوتتى.
فەستيۆال اياسىندا اۋقىمدى شارالار, ونىڭ ىشىندە ءار ءتۇرلى جارمەڭكەلەر ۇيىمداستىرىلدى. شارا بارىسىندا جاسالعان فوتوستەندتى كەلۋشىلەر ءبىر ساعاتتا جوق قىلعان, دەپ حابارلايدى qandastar.kz.
@داۋلەتتەن الەۋمەتتىك پاراقشاسىندا وسى جاعدايعا بايلانىستى جازبا جاريالاعان.
فوتو: اشىق دەرەككوز
«ۇياتىن-اي, حالىق اش. تاماققا ەمەس, رۋحانياتقا, ءتارتىپ پەن تاربيەگە اش. الما تاقىرىبىنداعى فوتوستەندتى كەلۋشىلەر ءبىر ساعاتتا جوق قىلعان. ۆيدەو الماتىدا ۇيىمداستىرىلعان Apple Fest فەستيۆالىندە تۇسىرىلگەن, — دەپ جازدى دەپۋتات.
فەستيۆال ۇيىمداستىرۋشىلارىنىڭ ايتۋىنشا, ينستالياتسيانى جاساۋعا ەكى ساعات ۋاقىت كەتكەن. بىراق كەلۋشىلەردىڭ قولىمەن ءبىر ساعاتتا عانا جوق بولعان كورىنەدى.
ۆولونتەرلار تەگىن الما الماق بولعانداردان فوتوستەندتى قورعاي الماعان.
جەلى قولدانۋشىلارى بۇل جاعدايعا بايلانىستى ءار ءتۇرلى پىكىر قالدىرۋدا. «وسى الماعا مۇقتاج جان ەمەسپىز. بازاردا سامساپ تۇر. اتتەڭ بۇل ءبىزدىڭ مەنتاليتەت. تەگىن دەسە تەگىن ويلاماي, شابا جونەلەتىن قاسيەتىمىزدەن ارىلساق, بىزدەي تەكتى ۇلت بولماسى انىق » دەپ داتتاسا, ەندى ءبىرى «الۋعا بولمايدى دەسە, ەشكىم المايدى ەشكىم» دەپ اقتاپ الۋدا.
