ىرىسبالا يكرامباي: ۇرسا ۇر, تەپسە تەپ. ەركەكتىڭ تاياعىن جەپ جۇرمەڭدەر!

فوتو: irisbala__ikrambai_official ينستاگرام پاراقشاسىنان

بەلگىلى بلوگەر ىرىسبالا يكرامباي الەۋمەتتىك جەلىدەگى پاراقشاسىندا وقىرماندارىمەن سىر شەرتىسىپ, ولاردان ەنە مەن كەلىن اراسىندا بولعان قىزىقتى وقيعالارىن بايانداۋدى سۇرادى, دەپ حابارلايدى Skifnews.kz اقپارات پورتالى.

بەلگىسىز ءبىر كەلىنشەك كۇيەۋى ءوزىن ورتەپ جىبەرە جازداعاندا ەنەسى اراشا تۇسكەنىن ايتتى.

جولداسىم ءىشىپ كەلىپ ۇرىپ, باسىمدى جارعان. قانىن جۋايىن دەپ شىقسام, ءبىر قۇتى جاعارمايدى ۇستىمە قۇيىپ, سىرىڭكەنى جاعايىن دەپ جاتقاندا ەنەم كەلىپ قالدى. مەنى ءوزىنىڭ ارتىنا تىعىپ, ءبىرىنشى مەنى ورتە, مەن ولسەم ارتىمدا مەنى جوقتاپ, شەلپەك ءپىسىرىپ, قۇران باعىشتاپ وتىراتىن سەن ەمەس. وسى قىزىمداي — كەلىنىم. ەڭ ءتاتتى ءسوزى وسى بولاتىن, دەپ جازعان وقىرمانى.

وقىرمانىنىڭ وقيعاسى ويلاندىرعان ىرىسبالا مۇنداي سوراقىلىققا شىداماۋعا كەڭەس بەردى.

وسى نەگە ءبىز ايەلدەر سورلىمىز? كىنامىز نە? ايەل بولىپ ومىرگە كەلگەنىمىز بە? ىشسە دە باسىمىزدى جارعىزىپ ودان سوراقىسىنا جول بەرەمىز? تاعى ايەل كىنالى بولدى ما? ۇرسا ۇرىڭدار, تەپسە تەبىڭدەر! تاياعىن جەپ جۇرمەڭدەر! ول ەركەك بولسىن, باسقا بولسىن. ءالىڭ كەلمەسە زاڭ قىزمەتكەرلەرىن شاقىر. مەيلى, بەتپاق بول, كوكبەت بول. تاياق جەمە. ايتقان ادام ايتا بەرسىن. ەرتەڭ تاياق جەپ ولسەڭ سول ايتقاندار وتىرىك جىلاپ, ارتىنان تۇك بولماعانداي پالاۋ جەپ وتىرادى. سەنى قان جوسا قىلىپ ۇرعان اداممەن قايتا ءبىر توسەكتە جاتۋدىڭ ءوزى ءولىمنىڭ ءبىر ءتۇرى شىعار, دەپ جاۋاپ بەردى بلوگەر.