زاعيپ ەنەسىنە ەتسپ اشىپ بەرەمىن دەپ نەسيە الىپ, توركىنىنە كەتىپ قالعان كەلىنگە قاتىستى سوت ۇكىمى شىقتى

جامبىل وبلىسى مويىنقۇم اۋداندىق سوتىندا ەنەسىن الداپ, نەسيە العان كەلىننىڭ ءىسى الاياقتىق فاكتىسى بويىنشا ۇكىم شىعارىلدى, دەپ حابارلايدى turkystan.kz.

بەلگىلى بولعانداي, كەلىن ەنەسىنىڭ ەكى كوزى كورمەيتىن مۇگەدەك ەكەنىن بىلە تۇرا, ەتسق اشىپ بەرەمىن دەگەن سىلتاۋمەن ونىڭ اتىنان بىرنەشە نەسيە راسىمدەپ, الماتى قالاسىنا كەتىپ قالعان.

كەلىن ءتۇرلى بانكتەن جالپى سانى 514 مىڭ تەڭگە كولەمىندە نەسيە العانى بەلگىلى بولدى.

سوتتا ول كىناسىن تولىق مويىنداپ, ءىس بويىنشا دالەلدەمەلەردى داۋلامادى جانە قازىر جابىرلەنۋشىمەن تاتۋلاسقانىن كورسەتە وتىرىپ, سوتتان جازانى جەڭىلدەتۋدى سۇرادى.

ناتيجەسىندە, مويىنقۇم اۋداندىق سوتىنىڭ ۇكىمىمەن ول قك 190-بابىنىڭ 1-بولىگى بويىنشا كىنالى دەپ تانىلىپ, وعان 1 جىل مەرزىمگە باس بوستاندىعىن شەكتەۋ جازاسى تاعايىندالدى.

ۇكىم زاڭدى كۇشىنە ەندى.