Zaǵıp enesine EP ashyp beremin dep nesıe alyp, tórkinine ketip qalǵan kelinge qatysty sot úkimi shyqty

Jambyl oblysy Moıynqum aýdandyq sotynda enesin aldap, nesıe alǵan kelinniń isi alaıaqtyq faktisi boıynsha úkim shyǵaryldy, dep habarlaıdy turkystan.kz.

Belgili bolǵandaı, kelin enesiniń eki kózi kórmeıtin múgedek ekenin bile tura, EQ ashyp beremin degen syltaýmen onyń atynan birneshe nesıe rásimdep, Almaty qalasyna ketip qalǵan.

Kelin túrli bankten jalpy sany 514 myń teńge kóleminde nesıe alǵany belgili boldy.

Sotta ol kinásin tolyq moıyndap, is boıynsha dáleldemelerdi daýlamady jáne qazir jábirlenýshimen tatýlasqanyn kórsete otyryp, sottan jazany jeńildetýdi surady.

Nátıjesinde, Moıynqum aýdandyq sotynyń úkimimen ol QK 190-babynyń 1-bóligi boıynsha kináli dep tanylyp, oǵan 1 jyl merzimge bas bostandyǵyn shekteý jazasy taǵaıyndaldy.

Úkim zańdy kúshine endi.