Jańalyqtar
Zardap shekkender bar: Taldyqorǵandaǵy jeke úıde gaz jaryldy
Foto: qalalyq TJD
Taldyqorǵan qalalyq kópsalaly aýrýhanasynda jeke úıdegi gaz jarylysynan zardap shekken taǵy bir adam kóz jumdy, dep jazdy qandastar.kz
Oblystyq densaýlyq saqtaý basqarmasynyń habarlaýynsha, 31 jeltoqsanda Taldyqorǵan qalasynyń shetindegi úılerdiń birinde gaz jarylyp, aýrýhanaǵa túsken 46 jastaǵy áıel búgin kóz jumdy. Áıeldiń denesiniń 96 paıyzyn kúıik shalǵan.
“Zardap shekken 7 adamnyń ekeýi kóz jumdy. Olar áıeli men kúıeýi. Qazir denesiniń 38-40 paıyzyn kúıik shalǵan taǵy bir naýqas jansaqtaý bóliminde jatyr, jaǵdaıy óte aýyr», – dep habarlady Jetisý oblysynyń densaýlyq saqtaý qyzmeti.
Oblystyq polıeıler tutynýshylardyń ómiri men densaýlyǵynyń qaýipsizdigine qoıylatyn talaptarǵa saı kelmeıtin jumystardy oryndaý nemese qyzmet kórsetý faktileri boıynsha adam ólimine ákep soqtyrý baby boıynsha qylmystyq is qozǵalǵanyn habarlady.
«Tergeý zańǵa sáıkes júrgizilýde, onyń aıasyndaǵy basqa málimetter ázirge jarııa etilmeıdi», – dep atap ótti Jetisý oblystyq polıııa departamenti.
