Zeınetaqy qory habarlama jasady

Foto: enf.kz

2025 jylǵy 1 maýsymdaǵy jaǵdaı boıynsha Biryńǵaı jınaqtaýshy zeınetaqy qoryndaǵy shottarda 37 mıllıard teńgeden astam qarajat suraýsyz qalǵan. Qor ókilderi bul qarajatty kimder ala alatynyn jáne ol úshin ne isteý qajet ekenin aıtyp berdi, dep habarlaıdy qandastar.kz

BJZQ-nyń aqparatyna sáıkes, jalpyǵa birdeı belgilengen zeınet jasyna jetken tulǵalardyń talap etilmegen zeınetaqy jınaqtarynyń jalpy somasy – shamamen 37,3 mlrd teńge. Bul soma 264 695 jeke zeınetaqy shotynda (JZSh) saqtalǵan. Onyń ishinde BJZQ-nyń memlekettik organdardyń aqparattyq júıelerinen alǵan málimetterine sáıkes:

— 148 335 adam qaıtys bolǵan, olardyń zeınetaqy jınaqtaryn muragerler talap ete alady;

— 59 800 adam Qazaqstannan tys jerlerge turaqty turýǵa ketti;

— 56 560 adam jasyna baılanysty zeınetaqylaryn resimdeý úshin Memlekettik korporaııaǵa (turǵylyqty jeri boıynsha HQKO) áli ótinish bermegen.

Esterińizge sala keteıik, zeınetaqy jınaqtarynyń esebin BJZQ júrgizedi, ınvestıııalanýyn jalǵastyrady jáne salymshylardyń JZSh-da alýshylar ne olardyń muragerleri (salymshy qaıtys bolǵan jaǵdaıda) talap etkenge deıin saqtalady.

Zeınetkerlik jasqa jetýine baılanysty zeınetaqy jarnalarynyń mindetti túrleri esebinen BJZQ-dan zeınetaqy tólemderin taǵaıyndaý, sondaı-aq memlekettik bıýdjetten bazalyq jáne yntymaqty zeınetaqy taǵaıyndaý úshin alýshylar turǵylyqty jeri boıynsha «Azamattarǵa arnalǵan úkimet» memlekettik korporaııasyna (HQKO) júginýi qajet.

“BJZQ-da zeınetaqy jınaqtary bar adam qaıtys bolǵan jaǵdaıda, onyń otbasy múshelerine respýblıkalyq bıýdjet týraly zańda tıisti qarjy jylyna belgilengen 94 eselengen aılyq eseptik kórsetkish mólsheri sheginde qaıtys bolǵan adamnyń zeınetaqy jınaqtary qarajaty esebinen, biraq qaıtys bolǵan adamnyń JZSh-da bar qarajatynan aspaıtyn mólsherde jerleýge birjolǵy tólem júrgiziledi. Sondaı-aq zeınetaqy jınaqtary Qazaqstan Respýblıkasynyń zańnamasynda belgilengen tártippen muraǵa qaldyrylady. Zeınetaqy jınaqtary bar adam qaıtys bolǵannan keıin 6 aı ishinde onyń muragerleri qaıtys bolǵan adamnyń zeınetaqy jınaqtary túrindegi muragerlik múlikti resimdeý jáne muragerlik quqyǵy týraly kýálik alý úshin notarıýsqa júginýge tıis. Eger ótinish berý merzimi ótip ketse, muragerlik quqyǵyn qalpyna keltirý úshin sot organdaryna júginý qajet”, – delingen habarlamada.