جاڭالىقتار
زەينەتاقى قورى ماڭىزدى حابارلاما جاسادى
بىرىڭعاي جيناقتاۋشى زەينەتاقى قورى سوڭعى كەزدە ينتەرنەتتەگى الاياقتىق جيىلەپ كەتكەنىن مالىمدەدى. سونىمەن قاتار سالىمشىلارعا بىرقاتار ەسكەرتۋ جۇمىستارىن جاسادى, دەپ حابارلايدى qandastar.kz
رەسمي اقپارات جەكە كابينەتى نەمەسە قوردىڭ رەسمي سايتىندا جاريالانادى. قور جەكە مالىمەتتەردى سۇرامايدى
بجزق ءباسپاسوز قىزمەتىنىڭ مالىمەتىنشە الاياقتار وزدەرىن مەملەكەتتىك ورگانداردىڭ نەمەسە قارجى ۇيىمدارىنىڭ قىزمەتكەرى رەتىندە تانىستىرىپ, ازاماتتاردىڭ جەكە مالىمەتىنە قول جەتكىزۋگە تىرىسادى.
قور قىزمەتكەرلەرى تەلەفون ارقىلى قوڭىراۋ شالمايدى. جسن, جەكە كۋالىك ءنومىرى, SMS راستاۋ كودتارى, قولدانبالار مەن باسقا قىزمەتتەردىڭ قۇپيا سوزدەرى تۋرالى مالىمەتتەردى بەرۋىڭىزدى وتىنبەيدى, – دەپ جازىلعان حابارلامادا.
سونداي-اق زەينەتاقى قورىنىڭ ماماندارى تەلەفون ارقىلى ىقتيمال كۇدىكتى ارەكەتتەر نەمەسە «قاراجاتتى بۇعاتتاۋ» قاجەتتىگى جايلى ايتپايدى.
ال كەز كەلگەن رەسمي اقپاراتتى سالىمشىنىڭ جەكە كابينەتى نەمەسە قوردىڭ رەسمي سايتىنان الۋعا بولادى. سالىمشى قور فيليالىنا دا ءوزى بارىپ, قاجەتتى اقپاراتتى سۇراي الادى.
الدانىپ قالماۋ ءۇشىن نە ىستەۋ كەرەك
قاۋىپسىزدىك شارالارى:
تەلەفون شالعاندار ءوزىن «بجزق» اق نەمەسە مەملەكەتتىك قۇرىلىمداردىڭ قىزمەتكەرى رەتىندە تانىستىرسا دا, قۇپيا دەرەكتەردى ايتپاۋ;
تۇسكەن اقپاراتتىڭ دۇرىستىعىن رەسمي دەرەككوزدەر (www.enpf.kz سايتى, 1418 بايلانىس ورتالىعى) ارقىلى تەكسەرۋ;
كۇماندى قوڭىراۋلار نەمەسە حابارلامالار تۇسكەن جاعدايدا بايلانىستى دەرەۋ ءۇزىپ, الاياقتىق ارەكەت تۋرالى قۇقىق قورعاۋ ورگاندارىنا حابارلاۋ.
