ادەبيەت
زەينوللا سانىكتىڭ 90 جىلدىعىنا وراي حالىقارالىق بايقاۋ جاريالانادى
فوتو: اشىق دەرەككوز
جازۋشى, ەتنوگراف-عالىم زەينوللا سانىكتىڭ 90 جىلدىعىنا وراي ەتنوگرافيالىق شىعارمالارعا حالىقارالىق ادەبي بايقاۋ جاريالانادى. بايقاۋدىڭ ماقساتى – قازاق ادەبيەتىندەگى ەتنوگرافيالىق اڭگىمەلەر مەن ولەڭدەرگە كونكۋرس جاريالاۋ ارقىلى قالامگەرلەرگە قولداۋ كورسەتۋ, دەپ جازادى qandastar.kz
بايقاۋدى قازاقستان جازۋشىلار وداعى مەن زەينوللا سانىك اتىنداعى مادەنيەت قورى وتكىزەدى.
حالىقارالىق بايقاۋدى وتكىزۋ مەرزىمى:
- وتىنىمدەردى قابىلداۋ 2025 جىلدىڭ 30 تامىزىنا دەيىن;
- 2025 جىلى قازان ايىندا وتەتىن زەينوللا سانىكتىڭ 90 جىلدىعىنا ارنالعان سالتاناتتى كەشتە ماراپاتتالادى
بايقاۋ شارتتارى:
- بايقاۋعا قازاقستانداعى جازۋشىلار مەن اقىندار, شەت ەلدەگى قانداس قالامگەرلەر دە قاتىسا الادى; بايقاۋعا قاتىسۋشىلاردىڭ جاسىنا شەك قويىلمايدى
- شىعارمالار ەلەكتروندىق نۇسقادا Microsoft Word فورماتىندا (14 كەگلدە (شريفت), جول اراسى 1 ينتەرۆال, Times New Roman قارپىمەن) ۇسىنىلۋى قاجەت;
- شىعارمالار قازاق, ورىس تىلىندە قابىلدانادى;
اڭگىمە جەلىسىندە ۇلتىمىزدىڭ ەتنوگرافياسى قامتىلۋى مىندەتتى;
- جيناقتاردا, مەرزىمدى باسىلىمداردا, سايتتاردا, الەۋمەتتىك جەلىلەردە جاريالانعان, باسقا بايقاۋلارعا ۇسىنىلعان شىعارمالار قارالمايدى;
- قولجازبالار Zeinollasanik@mail.ru ەلەكتروندى پوشتادا قابىلدانادى.
- بايقاۋعا قاتىسقاندار شىعارماسىن بۇقارالىق اقپارات قۇرالدارىندا, جيناقتاردا جانە عالامتوردا جاريالاۋعا رۇقسات بەرەدى, قالاماقى تالاپ ەتپەيدى.
- بايقاۋعا كەلىپ تۇسكەن شىعارمالاردىڭ ىشىنەن ىرىكتەلگەن ەڭبەكتەر جەكە كىتاپ بولىپ باسىلىپ شىعادى.
ماراپاتتاۋ:
ەڭ ۇزدىك دەپ تانىلعان شىعارما اۆتورلارى «زەينوللا سانىك اتىنداعى سىيلىقتىڭ يەگەرى » ماراپاتى مەن قارجىلاي سىيلىققا يە بولادى.
ءبىرىنشى ورىن (ەكەۋ) — 1,5 ميلليون تەڭگەدەن.
ەكىنشى ورىن ( ەكەۋ ) — 1 ميلليون تەڭگە.
ءۇشىنشى ورىن (ەكەۋ )- 500 مىڭ تەڭگەدەن
ىنتالاندىرۋ سىيلىعى (ۇشەۋ) — 300 مىڭ تەڭگەدەن.
