Zeınolla Sániktiń  90 jyldyǵyna oraı halyqaralyq baıqaý jarııalanady

Foto: ashyq derekkóz

Jazýshy, etnograf-ǵalym  Zeınolla Sániktiń  90 jyldyǵyna oraı   etnografııalyq shyǵarmalarǵa halyqaralyq  ádebı  baıqaý  jarııalanady. Baıqaýdyń maqsaty – qazaq ádebıetindegi etnografııalyq áńgimeler men óleńderge konkýrs jarııalaý arqyly qalamgerlerge qoldaý kórsetý, dep jazady qandastar.kz

Baıqaýdy Qazaqstan Jazýshylar odaǵy men Zeınolla Sánik atyndaǵy mádenıet qory  ótkizedi.

     Halyqaralyq  baıqaýdy ótkizý merzimi:

• ótinimderdi qabyldaý 2025 jyldyń 30 tamyzyna deıin;
• 2025 jyly qazan aıynda ótetin Zeınolla Sániktiń  90 jyldyǵyna arnalǵan  saltanatty keshte marapattalady

Baıqaý  sharttary:

• Baıqaýǵa Qazaqstandaǵy jazýshylar men aqyndar, shet eldegi qandas qalamgerler de qatysa alady; Baıqaýǵa qatysýshylardyń jasyna shek qoıylmaıdy
• shyǵarmalar elektrondyq nusqada Microsoft Word formatynda (14 keglde (shrıft), jol arasy 1 ınterval, Times New Roman qarpimen) usynylýy qajet;
• shyǵarmalar  qazaq, orys tilinde qabyldanady;

Áńgime jelisinde ultymyzdyń etnografııasy qamtylýy mindetti;

• jınaqtarda, merzimdi basylymdarda, saıttarda, áleýmettik jelilerde jarııalanǵan, basqa baıqaýlarǵa usynylǵan shyǵarmalar qaralmaıdy;
• qoljazbalar Zeinollasanik@mail.ru elektrondy poshtada qabyldanady.
• baıqaýǵa qatysqandar shyǵarmasyn buqaralyq aqparat quraldarynda, jınaqtarda jáne ǵalamtorda jarııalaýǵa ruqsat beredi, qalamaqy talap etpeıdi.
• baıqaýǵa kelip túsken shyǵarmalardyń ishinen iriktelgen eńbekter jeke kitap bolyp basylyp shyǵady.

 Marapattaý:

Eń úzdik dep tanylǵan shyǵarma avtorlary «Zeınolla Sánik atyndaǵy syılyqtyń ıegeri » marapaty men   qarjylaı syılyqqa  ıe bolady.

Birinshi oryn (ekeý)  — 1,5 mıllıon teńgeden.

Ekinshi oryn ( ekeý ) — 1 mıllıon teńge.

Úshinshi oryn (ekeý )- 500 myń teńgeden

Yntalandyrý syılyǵy (úsheý) — 300 myń teńgeden.