Zeınolla Sániktiń týǵanyna 90 jyl: «Sánik oqýlary» baıqaýy ótti

Foto: ashyq derekkóz

15 sáýirde tanymal jazýshy jáne etnograf-ǵalym, baspager Zeınolla Sániktiń týǵanyna 90 jyl tolýyna oraı qalamger turǵan úıge ornatylǵan eskertkish taqta ashyldy, dep jazdy qandastar.kz

Sonymen birge ál-Farabı atyndaǵy Qazaq ulttyq ýnıversıtetiniń jýrnalıstıka fakýltetinde dástúrli «Sánik oqýlary» aıasynda stýdentter men magıstranttar arasynda respýblıkalyq baıqaý ótti. Bilim jarysy jazýshynyń murasyn óskeleń urpaqqa keńinen nasıhattaý men jas ǵalymdardyń shyǵarmashylyq oıy men jobalaryn júzege asyrýǵa yqpal etýdi maqsat etken.

Qatysýshylar «Úzdik ǵylymı jumys», «Úzdik baspasóz materıaly», «Dızaın óneriniń úzdik týyndysy», «Úzdik derekti fılm» nomınaııalar boıynsha baq synady. Úzdikter Zeınolla Sánik atyndaǵy arnaıy shákirtaqy ıegeri atanay. Ádilqazylar alqasy quramynda QazUÝ oqytýshy- professorlary, tanymal jýrnalıster, belgili redaktorlar, qoǵam qaıratkerleri bar.

Zeınolla Múbárakuly Sánik 1935 jyldyń 15 sáýirinde QHR, Tarbaǵataı aımaǵyna qarasty Shaǵantoǵaı aýdanynda dúnıege kelgen. Beıjiń qalasyndaǵy ortalyq jastar ınstıtýtyn bitirip, eńbek jolyn baspagerlikten bastaǵan. «Halyq baspasy», «Shyńjań halyq baspasy, «Shyńjań jastar órender» baspasynda aǵa redaktor, jetekshi retinde qyzmet atqardy.

2000 jyly tarıhı Otanyna oralyp, zertteý jumystaryn jalǵastyrdy.

Beısenǵalı Sadyqanulymen birge Qabanbaı týraly «Qabanbaı batyr» tuńǵysh jınaǵyn qurastyrdy. Sonymen birge  «Han batyr Qabanbaı»,  «Taý juldyzy», «Qazaqtyń turmys-salt bilimderi», «Tabıǵat tálimi», «Dala mádenıeti týraly tolǵanystar», «Qaıraqbaı», «Basbaı», «Sergeldeń», «Iz», «Tuǵyryl han – Demejan batyr», «Qazaq etnografııasy», «Súleımen bı», t.b kitaptary jaryq kórdi. 15 tomdyq murasy jaryq kórgen jazýshy qazaq tarıhy jáne mádenıetiniń damýyna, qaıta jańǵyrýyna ólsheýsiz úles qosty. 2018 jyly qurylǵan Zeınolla Sánik atyndaǵy mádenıet qory ult rýhanııaty- qazaq ádebıeti men óneriniń damýyna qoldaý kórsetip keledi.