Jaıyq ózeniniń sý deńgeıi bir túnde 25 sm-ge kóterildi

Batys Qazaqstan oblysynyń ákimi Narıman Tóreǵalıev Jaıyq ózenindegi sý deńgeıi jeti metrge jetkenin jáne onyń ary qaraı da kóterilip jatqanyn habarlady.

Qazir oblystaǵy Aqjaıyq, Bórli, Báıterek, Terekti aýdandarynyń 94 eldi mekenin jáne Jaıyq ózeni boıyndaǵy Oral qalasynyń aýdandaryn sý basý qaýpi tónip tur.

Reseıdiń Qazaqstanmen shekaralas Orynbor qalasynda dabyl qaǵylyp, turǵyndardy shuǵyl kóshýge shaqyrdy. Jaıyq ózenindegi sý deńgeıi bir túnde 25 sm-ge kóterilgen, qaýipti deńgeıge deıin 33 sm qaldy.