جايىق جايپاپ كەتپەسە يگى…

باتىس قازاقستان وبلىسىندا سۋ تاسقىنى باسەڭدەر ەمەس. ەلەك وزەنىنىڭ تاسۋىنا بايلانىستى كەشە ءبورلى اۋدانى ديميتروۆ, قاراشىعاناق اۋىلدارىنان قاريالار مەن سىرقات جاندار, بالالار ەۆاكۋاتسيالاندى.

ال رەسەيدىڭ ورىنبور وبلىسىندا ورنالاسقان يرەك سۋ قويماسىنان كەشەلى-بەرى جايىققا رەكوردتىق دەڭگەيدە سۋ جىبەرىلىپ جاتىر. كۇندىز دارياعا سەكۋندىنا 1600 تەكشە مەتر سۋ تۇسسە, كەشكىسىن 2150 تەكشە مەترگە جەتتى. بۇعان دەيىن ەڭ كوپ سۋ 1994 جىلى جىبەرىلگەن, بىراق ول كەزدەگى كورسەتكىش 1300 تەكشە مەتردەن اسپاعان. جاز ايلارىندا سۋ قويماسىنان وزەنگە نەبارى 15 تەكشە مەتر سۋ تۇسەدى. ورال قالالىق اكىمدىگى جايىقتىڭ جايىلماسىندا ورنالاسقان ۇيلەر مەن ساياجاي تۇرعىندارىنا, قازىردىڭ وزىندە قاۋىپسىز جەرگە كوشۋدى ەسكەرتەدى. ءبورلى, تەرەكتى, بايتەرەك, اقجايىق اۋداندارىندا دا, وزەن بويىنداعى ەلدى مەكەندەرگە قاتەر بار, — دەيدى ماماندار. راۋان قۇسايىنوۆ, «قازسۋشار» رمك بقو فيليالىنىڭ ديرەكتورى: — ساقمار وزەنى, ت.ب. وزەننىڭ ءبارى جايىققا قۇيادى.

ءبارى ۇلكەن وزەن سانالادى. ەلەك, شىڭعىرلاۋ وزەندەرى. قازىر جايىقتىڭ ءوزىنىڭ سۋىنان بولەك, جايىققا قۇياتىن وزەندەردىڭ تاسقىن سۋلارى كەلىپ جاتىر. رف ورىنبور وبلىسىندا ەلەك وزەنى بويىندا ۇلكەن تاسقىن سۋ ءوتىپ جاتىر. يرەكتەن ورالعا جەتۋ مەرزىمى شامامەن 20-25 كۇن.