Jaqypova kópbalaly emes otbasylarǵa da kómek beriletinin aıtty

Foto: gov.kz

Eńbek jáne halyqty áleýmettik qorǵaý mınıstri Svetlana Jaqypova keıbir kópbalaly otbasylarǵa qoldaý toqtatylady degen sózine qatysty túsinikteme berdi, dep jazdy qandastar.kz

Bul týraly Stan.kz aqparat agenttigi habarlaıdy.

«Aldymen bul dúnıeni iske asyrý úshin qoldanystaǵy zańnamaǵa ózgerister engizý kerek. 1 qarashaǵa deıin Áleýmettik kodekske ózgeristerdi memlekettik organdarǵa engizý kerek. Qazir bul jumys júrgizilip jatyr. Birqatar mınıstrlik bizge qoldaý kórsetip otyr. Jyldyń sońyna deıin ózgeristerdi zańnyń sheńberinde sheshýimiz kerek», – dedi Jaqypova brıfıngte.

Jýrnalıst osy ózgerister qabyldanǵan soń jaǵdaıy bar otbasylar memleketten qandaı kómekti ala almaıtynyn aıta alasyz ba dep surady.

«Konepııany buǵan deıin de aıttyq. Sanatyna ǵana qarap emes, kómekti otbasylar muqtajdyq boıynsha alý kerek. Mysaly, adam tórt aı boıy aýyrsa, otbasynda kiris bolmasa, onyń úsh balasy bolsa, memleketten kómek ala almaıdy. Biraq ol muqtaj. Sondyqtan, biz kópbalaly emes bolǵanyna qaramaı, muqtaj otbasylarǵa járdemaqy berýdi qarastyryp jatyrmyz.Tek kópbalaly otbasylar emes, basqa sanattaǵylarǵa da kómek pen qoldaý kerek», – dedi mınıstr.

Eske salsaq, buǵan deıin keıbir kópbalaly otbasylarǵa memleketten járdemaqy berý toqtatylatyny týraly jazǵan edik. Sondaı-aq mınıstr kópbalaly otbasylarǵa járdemaqy berý toqtatylatyny týraly aqparatqa jaýap bergen edi.