جالاقىدان ۇستالاتىن سالىق ازايادى: بۇل وزگەرىس كىمدەرگە قاتىستى بولماق

جاڭا سالىق كودەكسى قىزمەتتىڭ ءارتۇرلى سالاسىنا وزگەرىستەر ەنگىزەدى. ولار سونداي-اق قازاقستاندىقتاردىڭ جالاقىسىنداعى سالىق بازاسىنىڭ كولەمىن ازايتۋ ماسەلەسىن دە قوزعايدى,-دەپ حابارلايدى Qandastar.kz

قازاقستاندا جاڭا سالىق كودەكسىنىڭ جوباسى قىزۋ تالقىلانۋدا. كوپتەگەن جاڭاشىلدىقتارىنىڭ اراسىندا ول ازاماتتاردىڭ جالاقىسىنان جەكە تابىس سالىعىن (جتس) ۇستاۋ ماسەلەلەرىن دە قاراستىرادى.

ەكونوميكا مينيسترلىگىنىڭ Telegram-داعى ارناسىنىڭ حابارلاۋىنشا, ەندى تابىسى تومەن قازاقستاندىقتار جەكە تابىس سالىعىنان بوساتىلادى. قانداي وزگەرىستەر بولادى دەرەككوزدە اتاپ وتىلگەندەي, قولدانىستاعى ستاندارتتارعا سايكەس, جالاقى سالىعىن ەسەپتەۋ كەزىندە 14 اەك مولشەرىندە شەگەرىم قولدانىلادى (2024 جىلى 51 688 تەڭگە). بۇل جتس ۇستالمايتىن سوما. ياعني سالىق جالاقىنىڭ 14 اەك – زەينەتاقى جارنالارى, مەديتسينالىق ساقتاندىرۋ جانە ت.ب. شەگەرىلگەننەن كەيىن قالعان بولىگىنەن الىنادى دا, بۇل سوما 30 اەك (110 760 تەڭگە) دەيىن ۇلعايتىلادى. وسىلايشا جالاقىنىڭ سالىق سالىنبايتىن بولىگى ۇلعايادى.