جاڭالىقتار
جالاقىسى – 500-700 مىڭ تەڭگە: مينيستر مامانداردى جۇمىسقا شاقىردى
فوتو: اشىق دەرەككوز
كولىك ءمينيسترى مارات قاراباەۆ پرەمەر-مينيستردەن 500 شەتەلدىك جۇمىسشىنىڭ كۆوتاسىن رەتتەپ بەرۋدى سۇرادى. بىراق ولاردىڭ جۇمىسىن وتاندىق ماماندار دا ىستەي الادى, دەپ حابارلايدى Sputnik قازاقستان تىلشىسى.
ءمينيستردىڭ ايتۋىنشا, قازىرگى كەزدە جول جوندەۋ سالاسىندا مامان تاپشىلىعى بار. اتاپ ايتقاندا, اۆتوگرەيدەر نەمەسە اسفالت توسەۋشى تەحنيكانى جۇرگىزەتىن وپەراتورلار قاجەت.
«ونداي وپەراتورلار بولسا كەز كەلگەن ۋاقىتتا جۇمىسقا الۋعا دايىنبىز. قاي ەلدە ءتيىستى مامان بار, سول ەلدەردەن تارتىلادى. مىسالى, وپەراتورلار قىتاي ەلىنەن, ارمەنيادان نەمەسە تۇركيادان تارتىلۋى مۇمكىن», – دەدى قاراباەۆ.
الايدا ونداي ماماندار ءوز ەلىمىزدەن تابىلسا, جۇمىسقا ەمىن-ەركىن تۇرا الادى.
«بار بولسا, سىزدەر دە جاريالاپ, كومەكتەسىڭىزدەر. بارسىن, جالاقىسى دا جاقسى. جۇمىسقا قابىلداۋعا دايىن. جالاقىسى ءار كومپانيادا ءارتۇرلى. مىسالى, جاقسى بىلىكتى وپەراتورلار 400 مىڭ تەڭگەدەن استام الادى, كەيبىرەۋلەرى 700 مىڭ تكڭگەگە دەيىن الادى. ودان دا كوپ الاتىندار بار», – دەپ اتاپ كورسەتتى كولىك ءمينيسترى.
