«جالاڭاش سۋرەتىڭدى كۇيەۋىڭە كورسەتەمىن»: الماتىداعى جارتى جىلدىق سەكس-قۇلدىق

التى اي جىنىستىق زورلىق-زومبىلىق كورگەن جانە بوپسالاۋدان قورىققان ايەل 2025 جىلدىڭ 6 ناۋرىزىندا اقىرى ءوزىن ازاپتاعان ادامعا ارىز جازدى. پوليتسيا ونى سول كۇنى دەرەۋ ۇستادى. الايدا سوت كەپىلمەن ونى بىرنەشە كۇن بۇرىن كۇدىكتىنى بوساتتى. ەندى جابىرلەنۋشى ءوز ومىرىنە قاۋىپ تونگەنىن ايتىپ وتىر, دەپ جازادى qandastar.kz

Orda.kz ءتىلشىسى قورلىق كورگەن ايەلمەن تىلدەستى.

ء(تىلشىمىز كۇدىكتىگە دە قوڭىراۋ شالدى).

قورقاقتىق پا, الدە اڭعالدىق پا?

Orda.kz رەداكتسياسىنا جاعا ۇستاتارلىق جاعدايىن ايتىپ, ءبىر قىز حابارلاستى. ەركىن ءومىر ءسۇرىپ جۇرگەن, كۇيەۋى مەن بالاسى بار ايەل كەزدەيسوق ءوزىنىڭ تانىسىنىڭ جىنىستىق قىزمەت كورسەتەتىن ق ۇلىنا اينالدى.

ونىڭ ايتۋىنشا مۇنىڭ ءبارى ادەتتەگى جۇمىس كۇنىنەن باستالدى. ءبىزدىڭ كەيىپكەرىمىز بيزنەسپەن اينالىسادى. «كوك بازاردا» ءوز دۇكەنى بار. تاۋارىن «كەنجەحان» دەگەن كوتەرمە بازارىنان الادى, كوپشىلىك سياقتى تاكسيمەن جۇرەدى. ءبىر كۇنى تاكسي جۇرگىزۋشىسىنىڭ بىرىمەن اڭگىمەلەسىپ قالدى. ول تۇراقتى تۇردە تاكسي بولىپ قىزمەت كورسەتۋگە ۇسىنىس جاسادى. اۋەلى بۇل جاقسى ۇسىنىس سياقتى كورىندى. تاكسيستكە دە جاقسى, تۇراقتى جولاۋشىسى بولادى, وعان دا ىڭعايلى, قايتا-قايتا ىزدەپ جۇرمەيدى. ولار ءبىر-ءبىرىنىڭ تەلەفون ءنومىرىن الىپ, كەلىسىمگە كەلەدى.

الايدا, ۋاقىت وتە كەلە تاۋار تاسىمالداپ جۇرگەن بۇل ادام شەكتەن تىس قىلىقتار كورسەتە باستادى. ونىڭ سوزىنە قاراعاندا ءبىر ساپار بارىسىندا ول ەرسى قىلىق تانىتىپ, قىزدىڭ اياعىنا, كەۋدەسىنە قولىن جۇگىرتىپ, ونىڭ جەكە شەكاراسىن بۇزعان.

«قورىققانىمنان كولىكتەن شىعا المادىم, ويتكەنى سالوندا مەنىڭ زاتتارىم لىق تولىپ تۇرعان ەدى. بىراق بازارعا جەتكەن بويدا مەنەن اۋلاق ءجۇرۋىن تالاپ ەتتىم», – دەيدى نازىم.

وسى وقيعادان سوڭ ءبىراز ۋاقىت ولاردىڭ اراسى ءۇزىلدى. ايەل تاكسي جۇرگىزۋشىسىنىڭ ءنومىرىن بۇعاتتاپ تاستادى. الايدا, الماز باسقا نومىرلەردەن قوڭىراۋ شالا باستادى, كەشىرىم سۇراپ, ءوزىن اقتاۋعا تىرىستى. ول ءوزىنىڭ ارەكەتىن اقتاپ, نازىمعا دەگەن سەزىمىن ءبىلدىرىپ, جاساعانىنا وكىنەتىنىن ايتتى. ۋاقىت وتە كەلە, نازىم ونىڭ سوزدەرىنە سەنىپ, الماز قايتادان ونىڭ تاۋارىن تاسىمالداپ, جۇك تيەۋگە جانە تۇسىرۋگە كومەكتەسە باستادى.

وسىنداي جۇمىس كۇندەرىنىڭ بىرىندە, الماز ونى باسقا جولمەن الىپ كەتتى.

«ول ماعان پانفيلوۆ اۋىلىنا تاپسىرىس جەتكىزۋى كەرەك ەكەنىن ايتتى. مەندە ەشقانداي كۇدىك بولمادى. ءبىز بەس قاباتتى ۇيگە كەلدىك. ول وزىمەن بىرگە جوعارى كوتەرىلۋگە ۇسىنىس جاسادى. مەن باس تارتتىم. سول كەزدە مەنى كولىكتەن سۇيرەپ شىعارىپ, اۋزىمدى جاۋىپ, ۇيگە قاراي سۇيرەپ اكەتتى», – دەدى نازىم.

بەسىنشى قاباتقا دەيىن ول قورقىنىش پەن دارمەنسىزدىكتەن قارسىلىق كورسەتە الماعان ايەلدى سۇيرەپ شىعارعان. ال پاتەردىڭ ىشىندە الماز ءوزىن تولىق قوجايىن سەزىندى. ول قىزدى سوققىعا جىعىپ, زورلادى. نازىمنىڭ ايتۋىنشا, ويىنا كەلگەندى ىستەگەن الماز ونى جالاڭاش كۇيىندە تەلەفونىنا بەينەجازباعا ءتۇسىرىپ العان.

نازىمنىڭ ايتۋىنشا وسى كۇننەن باستاپ نازىمنىڭ ءومىرى ۇلكەن ۇرەيگە تولى بولدى. ءبىر كەزدە جاي عانا تانىس بولعان ادام, ەندى ونى ەركىنەن تىس قورلاپ جۇرگەن بوپسالاۋشىسىنا اينالدى. ونىڭ نازىمعا دەگەن قارىم-قاتىناسى قۇرمەت پەن تۇسىنىستىكتەن ادا بولعان. ءاربىر قادامى, ءاربىر ءسوزى اڭدۋلى, سۋرەتتەرى جاريالانىپ قالا ما دەپ قورىققان نازىم ەندى تەك ونىڭ بۇيرىعىنا باعىناتىن بولدى. الماز كەز كەلگەن ۋاقىتتا قوڭىراۋ شالىپ, ونى دەرەۋ پانفيلوۆقا شاقىرادى. ەگەر ول ونىڭ بۇيرىقتارىن ورىنداماسا, الماز ونى قورقىتىپ, ءينتيمدى بەينەجازبالارىن كۇيەۋىنە, ەنەسىنە, اناسىنا جىبەرەمىن دەپ قورقىتادى. ول قورقىنىش ونى بۋىپ تاستاعان سوڭ قايتا-قايتا سول ادامنىڭ ۋىسىنا ءتۇسىپ, قورلاپ, ازاپتايتىن جەرگە بارعان ءوز اياعىمەن بارعانىن ايتتى. بىراق قورقىنىش — جالعىز ازاپ ەمەس ەدى.

نازىمنىڭ ايتۋىنشا الماز ءوزىنىڭ اگرەسسياسىن اشىق كورسەتۋدەن ۇيالمادى. ول نازىمدى ۇرىپ-سوعىپ, ءبىر رەت اشۋ ۇستىندە ونىڭ اياعىنا بۇراندالى كىلتتى تىعىپ العان.

قورقىتۋ, بوپسالاۋ, سىنعان قابىرعالار جانە كۇن سايىن قورلاۋ

نازىم ءوز ازاپتاۋشىسىنا قاتتى قورقاتىن. بىراق ول ەڭ كوپ قورىققان نارسە — ەر ادامنىڭ ءوزى ەمەس ەدى. ءبىرىنشى «ولىمنەن ۇيات كۇشتى» دەمەكشى, «وسى سۇمدىق اشىلىپ قالا ما?» دەپ زارەسى قالماعان. الماز ونى تەك كۇشپەن عانا ەمەس, ايلامەن, قورقىنىشپەن اشسا الاقانىن دا, جۇمسا جۇدىرىعىندا ۇستاپ وتىردى.

«الماز ءبىر كۇنى ماعان مەن ونىڭ بەسىنشى قۇربانى ەكەنىمدى ايتتى. مەنىڭ الدىمدا زورلاعان قىز ارىز جازىپ بىراق كەيىننەن ونى قايتارىپ العان», — دەدى نازىم.

ءاربىر قوڭىراۋ كەلگەندە, ونىڭ جۇرەگى ۇرەيدەن تارىلىپ كەتەتىن. ول باس تارتسا, ءارتۇرلى نارسە ايتىپ, قورقىتاتىنىن, ال كەلىسسە جاڭاشا تاسىلمەن قورلايتىنىن بىلەتىن. ول ۇنەمى كۇيزەلىپ ءجۇردى, نازار اۋدارتپاۋعا تىرىسىپ, جاقىندارىنان جاسىرىپ ءجۇردى. كەزدەسۋلەردە الماز ونىڭ بارلىق تانىستارىن, قوڭىراۋلارىن, حات-حابارلارىن تەكسەرەتىن. نازىمنىڭ ايتۋىنشا ول باسقا ەركەكپەن سويلەسسە, ءتىپتى ول ساتىپ الۋشى نەمەسە ساتۋشى بولسا دا, ول ونى ۇرىپ-سوعاتىن.

نازىم ەكى الەمدە ءومىر ءسۇردى. ءبىرى — باقىتتى وتباسى, كۇيەۋى, بالاسى, ءۇيى. ەكىنشىسى — قورقىنىش, قورلاۋ, بوپسالاۋ الەمى.

كۇيەۋى نەمەسە تۋىستارى كوگەرگەن جەرلەرىن بايقاسا, ول وڭاي سىلتاۋ ايتا سالاتىن: «اۆتوبۋسقا سوعىلدىم», «بازاردا اربا باسىپ كەتتى». ەگەر مىنەز-قۇلقى وزگەرسە, «شارشادىم, كوڭىل-كۇيىم جوق» دەپ ايتاتىن. كۇيەۋى تاڭنان كەشكە دەيىن جۇمىس ىستەپ, شارشاپ كەلەتىن, ول جاي عانا ونىڭ ءومىرى باياۋ ءوشىپ بارا جاتقانىن بايقامايتىن.

ونىڭ ايتۋىنشا, ەڭ قورقىنىشتىسى — ۇرىپ-سوققانى, اۋىرتقانى ەمەس, ايرانداي ۇيىپ وتىرعان وتباسىنان ايىرىلىپ قالامىن دەپ قورىققان. ولار كۇيەۋىمەن 14 جىل بىرگە تۇردى. سەگىز جىل وتكەننەن كەيىن ولار كوپتەن كۇتكەن قىزدارىن دۇنيەگە اكەلدى. كۇيەۋىنىڭ شىندىقتى ءبىلىپ, ودان بەت بۇرىپ, بالانى الىپ كەتەتىنى تۋرالى وي — جانىنا مازا بەرمەدى.

ءاربىر كەزدەسۋ وتكەن سايىن الماز بارعان سايىن ىزالى, دولى بولا ءتۇستى. ءبىر كۇنى ول نازىمنىڭ بىرنەشە جىل بۇرىن جانگەر دەگەن بىرەۋمەن قوسىلىپ, كۇيەۋىنە وپاسىزدىق جاساعانىن ءبىلىپ قويدى. بۇل فاكت نازىمدى قورقىتۋ مەن بوپسالاۋدىڭ نەگىزگى قارۋىنا اينالدى. ەندى ول ءتىپتى تەك سونىڭ ايتقانىنان شىقپايتىن بولدى. جاۋاپ بەرىلمەگەن قوڭىراۋلارعا, وقىلماعان حابارلامالارعا ول ءوز قيالىنداعى جاڭا جىنىستىق جازالار ويلاپ تاباتىن. سونداي-اق, ۇرىپ-سوعاتىن. قاتتى ءارى ۇزاق سابايتىن. بىردە ۇرىپ-سوعىپ جاتقاندا ونى قابىرعاسىن سىندىرىپ جىبەردى.

مۇنداي سۇمدىقتا دا نازىم ۇندەمەدى, كۇيەۋىنە ەشتەڭە ايتپادى. اۋىرسىنۋ مەن قوزعالۋدىڭ مۇمكىن ەمەستىگىن جاسىرىپ, ول بۇيرەگى اۋىرعانىن جانە جۇرەگى اۋرعانىن ايتىپ اقتالىپ ءجۇردى. ونىڭ ۇستىنە ءبىر اي بۇرىن ول ينسۋلت العان ەدى.

سەكس-قۇلدىقتان قۇتىلۋ ءۇشىن جەتى ميلليون تەڭگە

نازىم شىنىمەن دە بۇل قاتىگەز ادامنىڭ بوپساسىنان شىعاتىن جول جوق دەپ ويلادى. ول ۇنەمى قورقىنىشتا ءومىر ءسۇرىپ, كۇيەۋىنىڭ جانە ونىڭ تۋىستارى ءار قوڭىراۋىن, ءار حاتىن كورىپ قويا ما دەپ قورقاتىن بولدى.

«مەنى بوساتۋىن سۇرادىم. بىراق ول تەك ك ۇلىپ, مەنى باسقا ايەل تاباتىن كەزدە عانا بوساتاتىنىن جانە مەنى ۇمىتاتىنىن ايتتى», — دەدى نازىم كوزىنە جاس الىپ.

التى ايدان سوڭ, الماز وعان جاڭا كولىك ساتىپ العىسى كەلەتىنىن ايتتى. جەتى ميلليون تەڭگەگە ءبىر كولىك تاڭداپ قويدى.

«ول ماعان ءدال بىلاي ايتتى: جاقسى, مەن سەنى بوساتامىن, بىراق ءبىر شارتپەن — ماعان كولىك ساتىپ الىپ بەر», — دەدى.

نازىم ويلانباستان كەلىسە كەتتى. ەڭ باستىسى — بۇل ازاپتىڭ ءبىتۋى قاجەت. سونشا اقشاسى بولماعان سوڭ, ەكى ميلليون تەڭگە نەسيە الۋعا شەشىم قابىلدادى. شەشىمىن ايتقاندا الماز كەلىستى, ءوز كولىگىن ساتۋ ارقىلى قاجەتتى سومانى قوساتىنىن ويلاستىردى.

نەگىزگى شارت — نازىمنىڭ بۇكىل بەينەجازبالارىن قايتارىپ, ونىڭ ءومىرى تۋرالى ماڭگىگە ۇمىتاتىندىعى بولدى.

«مەن وعان شارت قويعانىم ءۇشىن ول قاتتى اشۋلاندى. ول ماعان سۋىق كوزقاراسپەن قاراپ, «ءالى ءبىر اي بويى سەن ءوز قىزمەتىڭدى وتەپ شىعاسىڭ» دەدى», — دەپ ەسكە الادى نازىم سول كۇندى.

بۇل نازىمنىڭ سابىرلىعىنىڭ سوڭعى شەگى بولدى. وسى ساتتە جۇيكەسى سىر بەرگەن ايەل المازعا نە ىستەسە دە, قانداي كومپروماتتى قايدا جىبەرسە دە, وعان ەشنارسە قورقىنىشتى ەمەس ەكەنىن ايتتى.

نازىم اقىرى ءبىر كۇنىبوپسالاعان ادام شىندىقتى جايىپ سالاتىنىن, وتباسىندا ۇلكەن داۋ بولاتىنىن ىشتەي سەزگەن ەدى. المازدان كەتكەننەن كەيىن, وعان جەڭگەسى قوڭىراۋ شالدى. داۋىسى ءزىلدى بولدى. ول ءبىر ادام الماز ەكەنىن جانە جانگەر تۋرالى ايتقانىن حابارلادى. نازىم نە دەپ جاۋاپ بەرەرىن بىلمەي, تەك: «كەشكە سويلەسەيىك» دەپ جاۋاپ بەردى.

تاڭەرتەڭ المازدىڭ حابارلامالارى بىرىنەن سوڭ ءبىرى كەلە باستادى — قورقىتۋ, جامان سوزدەر, تىڭداۋ مۇمكىن ەمەس داتتاعان سوزدەر. بارلىعى رەداكتسيامىزدا بار. بىراق ايقاي-شۋ مەن بالاعاتتاۋ اراسىندا المازدىڭ بوپسالاعان سوزدەرى دە بار ەدى. ول بارلىق ينتيمدىك سۋرەتتەردەن ۇلكەن پلاكاتتار شىعارىپ, ولاردى ەنەسىنىڭ ءۇيىنىڭ, قىزىنىڭ مەكتەبىنىڭ, ونىڭ جۇمىس ورنىنىڭ ماڭىنا ءىلىپ قوياتىنىن ايتتى. ول نازىمنان جاۋاپ كۇتتى. الايدا ايەل بۇل جولى ونى ەلەمەۋگە شەشىم قابىلدادى.

كەشكە ۇيدە كۇيەۋى, جەڭگەسى جانە نازىم باس قوستى. الماز كۇيەۋىنە قوڭىراۋ شالدى. نازىم ءبارىن ايتىپ بەردى. تولىعىمەن, تۇك قالدىرماي باياندادى.

«مەن كۇيەۋىمە ەگەر مەنى ۇيدەن قۋىپ جىبەرسە, ونى تۇسىنەتىنىمدى ايتتىم», — دەپ ەسكە الادى ايەل.

بىراق داۋرەن ء(بىزدىڭ كەيىپكەرىمىزدىڭ كۇيەۋى) قانشاما جىل بىرگە تۇرعاندارىن ايتىپ, ونى قيىن ساتتە تاستامايتىنىن ايتتى.

سوت كۇدىكتىنى كەپىلمەن بوساتتى

كەلەسى كۇنى, 2025 جىلدىڭ 6 ناۋرىزىندا تاڭەرتەڭ نازىم كۇيەۋىمەن بىرگە الماتى وبلىسىنىڭ تالعار اۋداندىق ىشكى ىستەر بولىمىنە باردى. ولار ارىز جازدى, سول كۇنى كەشكە الماز تۇتقىندالدى.

بۇل ساتتە ايەلدە ايتەۋ ازاپ ءبىتتى دەگەن وي بولدى. بىراق ونىڭ جۇمىسىنا دا, ۇيىنە دە المازدىڭ تۋىستارى كەلىپ, قىزدان كەشىرىم سۇراپ, وعان اقشا ۇسىندى. ولار كۇندىز دە, كەشكە دە كەلىپ تۇردى. بىراق نازىمنىڭ وتباسى مەن ونىڭ ادۆوكاتى سوڭىنا دەيىن بارامىز دەپ شەشتى, كىنالى ادامدى جازالاۋعا نيەتتەندى.

الايدا ءۇش كۇن بۇرىن الماز تاعى دا باسقا نومىردەن قوڭىراۋ شالدى. ونى قاماۋدان بوساتقانى بەلگىلى بولدى. ەندى ول كۇن سايىن نازىمعا قوڭىراۋ شالاتىن كورىنەدى.

Orda.kz ءتىلشىسى تاڭەرتەڭ المازعا قوڭىراۋ شالىپ, ونىڭ ايتارىن تىڭداماق بولدى, بىراق بار بولعانى تەك دورەكى جاۋاپ ەستىدى. تىلشىمىزگە كەش باتا ءوزى قايتا قوڭىراۋ شالىپ, تاعى دا دورەكى سويلەدى: «ءار ادام قاتەلىك جاساۋى مۇمكىن» دەپ ايتتى.

«نە ءۇشىن مەنىڭ ومىرىمە ارالاساسىز? سىزگە نە ايتقانىن بىلە بەرمەيسىز, ەگەر بۇل ماتەريالدى شىعارساڭىزدار, وكىنەسىزدەر», — دەپ ايقايلادى ول تەلەفون ارقىلى.

ءبىز الماتى وبلىسىنىڭ پوليتسيا دەپارتامەنتىنەن تۇسىنىكتەمە سۇرادىق.

«سوت كەپىلمەن بوساتۋ تۋرالى شەشىم قابىلدادى», — دەپ جاۋاپ بەردى ايماقتىق پوليتسيا دەپارتامەنتى.

نازىمنىڭ ايتۋىنشا ول بوستاندىققا شىققالى ونىڭ ءومىرى مەن دەنساۋلىعىنا ءالى قاۋىپ ءتونىپ تۇر. ويتكەنى ونى التى ايدان استام ۋاقىت بويى ازاپتاعان ادام ونىڭ جۇمىسىن, تۇراتىن جەرىن, قىزىنىڭ وقيتىن مەكتەبىن بىلەدى, كۇن سايىن قوڭىراۋ شالىپ, كەزدەسۋگە شاقىرادى.

Orda.kz بۇل وقيعانى باقىلاپ, ءارى قاراي اقپارات بەرىپ وتىراتىن بولادى.