«Jalańash sýretińdi kúıeýińe kórsetemin»: Almatydaǵy jarty jyldyq seks-quldyq

Alty aı jynystyq zorlyq-zombylyq kórgen jáne bopsalaýdan qoryqqan áıel 2025 jyldyń 6 naýryzynda aqyry ózin azaptaǵan adamǵa aryz jazdy. Polıııa ony sol kúni dereý ustady. Alaıda sot kepilmen ony birneshe kún buryn kúdiktini bosatty. Endi jábirlenýshi óz ómirine qaýip tóngenin aıtyp otyr, dep jazady qandastar.kz

Orda.kz tilshisi qorlyq kórgen áıelmen tildesti.

(Tilshimiz kúdiktige de qońyraý shaldy).

Qorqaqtyq pa, álde ańǵaldyq pa?

Orda.kz redakııasyna jaǵa ustatarlyq jaǵdaıyn aıtyp, bir qyz habarlasty. Erkin ómir súrip júrgen, kúıeýi men balasy bar áıel kezdeısoq óziniń tanysynyń jynystyq qyzmet kórsetetin qulyna aınaldy.

Onyń aıtýynsha munyń bári ádettegi jumys kúninen bastaldy. Bizdiń keıipkerimiz bıznespen aınalysady. «Kók bazarda» óz dúkeni bar. Taýaryn «Kenjehan» degen kóterme bazarynan alady, kópshilik sııaqty taksımen júredi. Bir kúni taksı júrgizýshisiniń birimen áńgimelesip qaldy. Ol turaqty túrde taksı bolyp qyzmet kórsetýge usynys jasady. Áýeli bul jaqsy usynys sııaqty kórindi. Taksıstke de jaqsy, turaqty jolaýshysy bolady, oǵan da yńǵaıly, qaıta-qaıta izdep júrmeıdi. Olar bir-biriniń telefon nómirin alyp, kelisimge keledi.

Alaıda, ýaqyt óte kele taýar tasymaldap júrgen bul adam shekten tys qylyqtar kórsete bastady. Onyń sózine qaraǵanda bir sapar barysynda ol ersi qylyq tanytyp, qyzdyń aıaǵyna, keýdesine qolyn júgirtip, onyń jeke shekarasyn buzǵan.

«Qoryqqanymnan kólikten shyǵa almadym, óıtkeni salonda meniń zattarym lyq tolyp turǵan edi. Biraq bazarǵa jetken boıda menen aýlaq júrýin talap ettim», – deıdi Nazym.

Osy oqıǵadan soń biraz ýaqyt olardyń arasy úzildi. Áıel taksı júrgizýshisiniń nómirin buǵattap tastady. Alaıda, Almaz basqa nómirlerden qońyraý shala bastady, keshirim surap, ózin aqtaýǵa tyrysty. Ol óziniń áreketin aqtap, Nazymǵa degen sezimin bildirip, jasaǵanyna ókinetinin aıtty. Ýaqyt óte kele, Nazym onyń sózderine senip, Almaz qaıtadan onyń taýaryn tasymaldap, júk tıeýge jáne túsirýge kómektese bastady.

Osyndaı jumys kúnderiniń birinde, Almaz ony basqa jolmen alyp ketti.

«Ol maǵan Panfılov aýylyna tapsyrys jetkizýi kerek ekenin aıtty. Mende eshqandaı kúdik bolmady. Biz bes qabatty úıge keldik. Ol ózimen birge joǵary kóterilýge usynys jasady. Men bas tarttym. Sol kezde meni kólikten súırep shyǵaryp, aýzymdy jaýyp, úıge qaraı súırep áketti», – dedi Nazym.

Besinshi qabatqa deıin ol qorqynysh pen dármensizdikten qarsylyq kórsete almaǵan áıeldi súırep shyǵarǵan. Al páterdiń ishinde Almaz ózin tolyq qojaıyn sezindi. Ol qyzdy soqqyǵa jyǵyp, zorlady. Nazymnyń aıtýynsha, oıyna kelgendi istegen Almaz ony jalańash kúıinde telefonyna beınejazbaǵa túsirip alǵan.

Nazymnyń aıtýynsha osy kúnnen bastap Nazymnyń ómiri úlken úreıge toly boldy. Bir kezde jaı ǵana tanys bolǵan adam, endi ony erkinen tys qorlap júrgen bopsalaýshysyna aınaldy. Onyń Nazymǵa degen qarym-qatynasy qurmet pen túsinistikten ada bolǵan. Árbir qadamy, árbir sózi ańdýly, sýretteri jarııalanyp qala ma dep qoryqqan Nazym endi tek onyń buıryǵyna baǵynatyn boldy. Almaz kez kelgen ýaqytta qońyraý shalyp, ony dereý Panfılovqa shaqyrady. Eger ol onyń buıryqtaryn oryndamasa, Almaz ony qorqytyp, ıntımdi beınejazbalaryn kúıeýine, enesine, anasyna jiberemin dep qorqytady. Ol qorqynysh ony býyp tastaǵan soń qaıta-qaıta sol adamnyń ýysyna túsip, qorlap, azaptaıtyn jerge barǵan óz aıaǵymen barǵanyn aıtty. Biraq qorqynysh — jalǵyz azap emes edi.

Nazymnyń aıtýynsha Almaz óziniń agressııasyn ashyq kórsetýden uıalmady. Ol Nazymdy uryp-soǵyp, bir ret ashý ústinde onyń aıaǵyna burandaly kiltti tyǵyp alǵan.

Qorqytý, bopsalaý, synǵan qabyrǵalar jáne kún saıyn qorlaý

Nazym óz azaptaýshysyna qatty qorqatyn. Biraq ol eń kóp qoryqqan nárse — er adamnyń ózi emes edi. Birinshi «ólimnen uıat kúshti» demekshi, «osy sumdyq ashylyp qala ma?» dep záresi qalmaǵan. Almaz ony tek kúshpen ǵana emes, aılamen, qorqynyshpen ashsa alaqanyn da, jumsa judyryǵynda ustap otyrdy.

«Almaz bir kúni maǵan men onyń besinshi qurbany ekenimdi aıtty. Meniń aldymda zorlaǵan qyz aryz jazyp biraq keıinnen ony qaıtaryp alǵan», — dedi Nazym.

Árbir qońyraý kelgende, onyń júregi úreıden tarylyp ketetin. Ol bas tartsa, ártúrli nárse aıtyp, qorqytatynyn, al kelisse jańasha tásilmen qorlaıtynyn biletin. Ol únemi kúızelip júrdi, nazar aýdartpaýǵa tyrysyp, jaqyndarynan jasyryp júrdi. Kezdesýlerde Almaz onyń barlyq tanystaryn, qońyraýlaryn, hat-habarlaryn tekseretin. Nazymnyń aıtýynsha ol basqa erkekpen sóılesse, tipti ol satyp alýshy nemese satýshy bolsa da, ol ony uryp-soǵatyn.

Nazym eki álemde ómir súrdi. Biri — baqytty otbasy, kúıeýi, balasy, úıi. Ekinshisi — qorqynysh, qorlaý, bopsalaý álemi.

Kúıeýi nemese týystary kógergen jerlerin baıqasa, ol ońaı syltaý aıta salatyn: «Avtobýsqa soǵyldym», «Bazarda arba basyp ketti». Eger minez-qulqy ózgerse, «Sharshadym, kóńil-kúıim joq» dep aıtatyn. Kúıeýi tańnan keshke deıin jumys istep, sharshap keletin, ol jaı ǵana onyń ómiri baıaý óship bara jatqanyn baıqamaıtyn.

Onyń aıtýynsha, eń qorqynyshtysy — uryp-soqqany, aýyrtqany emes, aırandaı uıyp otyrǵan otbasynan aıyrylyp qalamyn dep qoryqqan. Olar kúıeýimen 14 jyl birge turdy. Segiz jyl ótkennen keıin olar kópten kútken qyzdaryn dúnıege ákeldi. Kúıeýiniń shyndyqty bilip, odan bet buryp, balany alyp ketetini týraly oı — janyna maza bermedi.

Árbir kezdesý ótken saıyn Almaz barǵan saıyn yzaly, doly bola tústi. Bir kúni ol Nazymnyń birneshe jyl buryn Janger degen bireýmen qosylyp, kúıeýine opasyzdyq jasaǵanyn bilip qoıdy. Bul fakt Nazymdy qorqytý men bopsalaýdyń negizgi qarýyna aınaldy. Endi ol tipti tek sonyń aıtqanynan shyqpaıtyn boldy. Jaýap berilmegen qońyraýlarǵa, oqylmaǵan habarlamalarǵa ol óz qııalyndaǵy jańa jynystyq jazalar oılap tabatyn. Sondaı-aq, uryp-soǵatyn. Qatty ári uzaq sabaıtyn. Birde uryp-soǵyp jatqanda ony qabyrǵasyn syndyryp jiberdi.

Mundaı sumdyqta da Nazym úndemedi, kúıeýine eshteńe aıtpady. Aýyrsyný men qozǵalýdyń múmkin emestigin jasyryp, ol búıregi aýyrǵanyn jáne júregi aýrǵanyn aıtyp aqtalyp júrdi. Onyń ústine bir aı buryn ol ınsýlt alǵan edi.

Seks-quldyqtan qutylý úshin jeti mıllıon teńge

Nazym shynymen de bul qatygez adamnyń bopsasynan shyǵatyn jol joq dep oılady. Ol únemi qorqynyshta ómir súrip, kúıeýiniń jáne onyń týystary ár qońyraýyn, ár hatyn kórip qoıa ma dep qorqatyn boldy.

«Meni bosatýyn suradym. Biraq ol tek kúlip, meni basqa áıel tabatyn kezde ǵana bosatatynyn jáne meni umytatynyn aıtty», — dedi Nazym kózine jas alyp.

Alty aıdan soń, Almaz oǵan jańa kólik satyp alǵysy keletinin aıtty. Jeti mıllıon teńgege bir kólik tańdap qoıdy.

«Ol maǵan dál bylaı aıtty: Jaqsy, men seni bosatamyn, biraq bir shartpen — maǵan kólik satyp alyp ber», — dedi.

Nazym oılanbastan kelise ketti. Eń bastysy — bul azaptyń bitýi qajet. Sonsha aqshasy bolmaǵan soń, eki mıllıon teńge nesıe alýǵa sheshim qabyldady. Sheshimin aıtqanda Almaz kelisti, óz kóligin satý arqyly qajetti somany qosatynyn oılastyrdy.

Negizgi shart — Nazymnyń búkil beınejazbalaryn qaıtaryp, onyń ómiri týraly máńgige umytatyndyǵy boldy.

«Men oǵan shart qoıǵanym úshin ol qatty ashýlandy. Ol maǵan sýyq kózqaraspen qarap, «Áli bir aı boıy sen óz qyzmetińdi ótep shyǵasyń» dedi», — dep eske alady Nazym sol kúndi.

Bul Nazymnyń sabyrlyǵynyń sońǵy shegi boldy. Osy sátte júıkesi syr bergen áıel Almazǵa ne istese de, qandaı kompromatty qaıda jiberse de, oǵan eshnárse qorqynyshty emes ekenin aıtty.

Nazym aqyry bir kúnibopsalaǵan adam shyndyqty jaıyp salatynyn, otbasynda úlken daý bolatynyn ishteı sezgen edi. Almazdan ketkennen keıin, oǵan jeńgesi qońyraý shaldy. Daýysy zildi boldy. Ol bir adam Almaz ekenin jáne Janger týraly aıtqanyn habarlady. Nazym ne dep jaýap bererin bilmeı, tek: «Keshke sóıleseıik» dep jaýap berdi.

Tańerteń Almazdyń habarlamalary birinen soń biri kele bastady — qorqytý, jaman sózder, tyńdaý múmkin emes dattaǵan sózder. Barlyǵy redakııamyzda bar. Biraq aıqaı-shý men balaǵattaý arasynda Almazdyń bopsalaǵan sózderi de bar edi. Ol barlyq ıntımdik sýretterden úlken plakattar shyǵaryp, olardy enesiniń úıiniń, qyzynyń mektebiniń, onyń jumys ornynyń mańyna ilip qoıatynyn aıtty. Ol Nazymnan jaýap kútti. Alaıda áıel bul joly ony elemeýge sheshim qabyldady.

Keshke úıde kúıeýi, jeńgesi jáne Nazym bas qosty. Almaz kúıeýine qońyraý shaldy. Nazym bárin aıtyp berdi. Tolyǵymen, túk qaldyrmaı baıandady.

«Men kúıeýime eger meni úıden qýyp jiberse, ony túsinetinimdi aıttym», — dep eske alady áıel.

Biraq Daýren (bizdiń keıipkerimizdiń kúıeýi) qanshama jyl birge turǵandaryn aıtyp, ony qıyn sátte tastamaıtynyn aıtty.

Sot kúdiktini kepilmen bosatty

Kelesi kúni, 2025 jyldyń 6 naýryzynda tańerteń Nazym kúıeýimen birge Almaty oblysynyń Talǵar aýdandyq ishki ister bólimine bardy. Olar aryz jazdy, sol kúni keshke Almaz tutqyndaldy.

Bul sátte áıelde áıteý azap bitti degen oı boldy. Biraq onyń jumysyna da, úıine de Almazdyń týystary kelip, qyzdan keshirim surap, oǵan aqsha usyndy. Olar kúndiz de, keshke de kelip turdy. Biraq Nazymnyń otbasy men onyń advokaty sońyna deıin baramyz dep sheshti, kináli adamdy jazalaýǵa nıettendi.

Alaıda úsh kún buryn Almaz taǵy da basqa nómirden qońyraý shaldy. Ony qamaýdan bosatqany belgili boldy. Endi ol kún saıyn Nazymǵa qońyraý shalatyn kórinedi.

Orda.kz tilshisi tańerteń Almazǵa qońyraý shalyp, onyń aıtaryn tyńdamaq boldy, biraq bar bolǵany tek dóreki jaýap estidi. Tilshimizge kesh bata ózi qaıta qońyraý shalyp, taǵy da dóreki sóıledi: «Ár adam qatelik jasaýy múmkin» dep aıtty.

«Ne úshin meniń ómirime aralasasyz? Sizge ne aıtqanyn bile bermeısiz, eger bul materıaldy shyǵarsańyzdar, ókinesizder», — dep aıqaılady ol telefon arqyly.

Biz Almaty oblysynyń Polıııa departamentinen túsinikteme suradyq.

«Sot kepilmen bosatý týraly sheshim qabyldady», — dep jaýap berdi aımaqtyq polıııa departamenti.

Nazymnyń aıtýynsha ol bostandyqqa shyqqaly onyń ómiri men densaýlyǵyna áli qaýip tónip tur. О́ıtkeni ony alty aıdan astam ýaqyt boıy azaptaǵan adam onyń jumysyn, turatyn jerin, qyzynyń oqıtyn mektebin biledi, kún saıyn qońyraý shalyp, kezdesýge shaqyrady.

Orda.kz bul oqıǵany baqylap, ári qaraı aqparat berip otyratyn bolady.