«Jambasynda tistiń izi qalǵan»: 19 jastaǵy qyzdyń ólimine qatysty derek

Qaıǵyly oqıǵa 30 maýsym kúni bolǵan. Dúkende satýshy bolyp jumys isteıtin qyz ádettegideı aýdan ortalyǵyna ketken. Keshkisin jumystan shyqqan soń jigiti kútip alypty. Alaıda 18:30-dar shamasynda súıiktisiniń kóligine otyrǵan Dılmýra Ergınova úıine sol kúıi jete almady,-dep habarlaıdy Qandastar.kz

Úıine ýaqytyly qaıtpaǵan qyzyn ata-anasy birden izdeýge kóshken. Sózinshe, boıjetkenniń mundaı ádeti bolmaǵan. Jan-jaqtyń bárin sharlaǵan jaqyndary Dılmýramen sóz baılasqan jigitiniń de týystaryna habarlasypty. Olar «ulynyń úıde uıyqtap jatqanyn aıtyp, daýryqpady» deıdi marqumnyń otbasy.

“Men jigittiń qaryndasyna habarlastym. Ol aǵasynyń úıde uıyqtap jatqanyn aıtty. Al ata-anasy toıda bolǵan eken. Bizge tek tún ishinde habarlady. Qyzymyz sol úıdegi garaj ishindegi kólikten óli kúıinde otyr eken”,–deıdi marqumnyń týǵan ápkesi.

Ákesi sol kúni qyzyna qaıta-qaıta qońyraý shalyp, birde-bir jaýap almaǵanyn aıtty.

“Qyzymda uıaly telefonyn almaı qoıý, habarlamaǵa jaýap bermeý degen ádet eshqashan bolmaǵan. Sodan sekem aldyq. 6 saǵat boıy smartfonyna habarlastyq. Eki nómirine de qońyraý baryp turdy. Biraq tutqany almaıdy. Sońynda kórshi aýyldaǵy úıden tabylǵanyn habarlady. Barsaq, esik aldynda polıııa da, jedel-járdem de tur eken. Al qyzym qaıtys bolypty. Ol meniń kenjetaıym edi. Bir ret te qarsy sóılep, urysqan emespin”,–deıdi marqumnyń ákesi Danııar Qurbanalıev.

Sodan beri es jııa almaı júrgen otbasyǵa qyzynyń ıis tıip jan tapsyrǵanyn estirtipti. Oǵan da kóndik degen qaraly januıa bar sumdyq deneni máıithanadan alyp kelgen soń bastalǵanyn aıtady. Sózderinshe marqumnyń denesi kógerip, bet-aýzynyń bári qan bolǵan.

“Men máıitti jýýǵa kirdim. Kýágermin. Aýzyna qan tolyp qalǵan eken. Mańdaıy da, beti de isip ketken. Jambasynda tistiń izi tur. Qoly da, murny da synǵan. Sińilimiz aryn saqtaý úshin jantalasqan sııaqty”, – deıdi marqumnyń ápkesi Malahat Qurbanalıeva.

Osylaı degen Dılmýranyń otbasy eki ret saraptama jasalǵanyn aıtady. Ekeýiniń de nátıjesinde qyz ıis tıip jan tapsyrǵany anyqtalypty. Osyǵan senbegen Qurbanalıevter qaıtadan saraptama jasattyq deıdi. Ázirge qorytyndy belgisiz ekenin jetkizdi.

Stýdent qyzdyń jumbaq ólimine kúdikti de tabyldy. Ol 19 jastaǵy kórshi aýyldyń turǵyny. Marqummen bir jyldan beri sóz baılasyp júrgen jigit oǵan úılenýdi de josparlaǵan deıdi. Biraq nege ekeni belgisiz súıiktisiniń ólimine qatysty kúdikti retinde tutqynǵa alyndy.

“Asa aýyr qylmys jasady degen kúdikti ustalyp, ýaqytsha ustaý ızolıatoryna qamaýǵa alyndy. Qylmystyq is qozǵaldy. Barlyq qajetti saraptamalar taǵaıyndaldy. Bolǵan oqıǵanyń tolyq mán-jaıy anyqtalýda”, – deıdi Túrkistan oblysynyń polıııa departamenti.

Osylaısha bıyl uzatylǵaly otyrǵan Túrkistan oblysy, Saıram aýdanynyń 19 jastaǵy turǵyny jer qoınyna tapsyryldy. Dılmýra Ergınovanyń ólimine ne sebep bolǵany tergep-tekserý jumystarynan keıin bir-aq belgili bolmaq.

Aıta ketken jón, buǵan deıin Túrkistan oblysy Saıram aýdany Aqsýkent aýylynda 19 jastaǵy jigit súıiktisin óltirip, denesin kólikjaıda alty saǵat saqtady degen aqparat taraǵan edi