جاڭالىقتار
جامبىل وبلىسىندا 10 بالا ۋلانىپ قالدى
فوتو: اشىق دەرەككوز
جامبىل وبلىسىندا 10 بالا ۋلانىپ, اۋرۋحاناعا ءتۇستى, دەپ حابارلايدى qandastar.kz
وقيعا مەركى اۋىلىنا قاراستى «نۇراي» بوبەكجاي-باقشاسىندا بولعان.
«17 ناۋرىز كۇنى مەركى اۋداندىق ورتالىق اۋرۋحاناسىنىڭ جۇقپالى اۋرۋلار بولىمىنە مەركى اۋىلى ويتال ۋچاسكەسى «نۇراي» بوبەكجاي باقشاسىنىڭ 10 تاربيەلەنۋشىسى كەلىپ ءتۇستى. ونىڭ ىشىندە 9 جاعداي ءجىتى ىشەك ينفەكتسياسى, 1 جاعداي ەنتەروۆيرۋستى ينفەكتسيا دياگنوزىمەن تىركەلگەن. 1 بالا جانساقتاۋ بولىمىنە اۋىستىرىلدى, جاعدايى بىرقالىپتى», — دەپ حابارلادى وبلىستىق اكىمدىك.
وسى جاعدايعا بايلانىستى جۇمىس توبى قۇرىلدى. قازىر ماماندار ءتيىستى زەرتتەۋلەر جۇرگىزىپ, اۋرۋدىڭ نەدەن شىققانىن انىقتاپ جاتىر. ورتالىق جۇمىسى 2 تاۋلىككە توقتاتىلدى. عيماراتتا زالالسىزداندىرۋ جۇمىستارى جۇرگىزىلەدى.
