Jambyl oblysynda jantúrshigerlik jol apatynan 7 adam qaza tapty

Foto: vıdeodan skrın

Jambyl oblysynda jol-kólik apaty saldarynan 7 adam, onyń ishinde 2 bala qaza tapty, dep habarlaıdy qandastar.kz  Skifnews.kz aqparat portalyna silteme jasap. 

Bul týraly Jambyl oblystyq polıııa departamentiniń baspasóz hatshysy Gúlsara Muhtarqulova aıtty.

«2024 jyldyń 16 qyrkúıeginde saǵat 18:30 shamasynda «Batys Eýropa – Batys Qytaı» respýblıkalyq mańyzy bar avtojoldyń 526 shaqyrymynda jol-kólik oqıǵasy boldy. Cadillac Escalade kóliginiń júrgizýshisi aldyńǵy kólikti basyp ozyp, qarsy baǵytqa shyǵyp ketýi saldarynan qarama-qarsy kele jatqan DAF júk kóligimen soqtyǵysyp qalǵan. Sonyń saldarynan Cadillac Escalade qaıta óz jolaǵyna túsip, Gazel kóligine qaǵylǵan. Jol apatynan keıin eki kólik te birden órtenip ketti. Oqıǵa ornynda 37 jastaǵy Gazel júrgizýshisi men 30 jastaǵy Cadillac Escalade júrgizýshisi jáne onyń 5 jolaýshysy qaza tapty. Onyń ishinde eki bala bar», – dedi ol Jambyl oblysty PD-nyń Facebook paraqshasynda jarııalanǵan vıdeoda.

PD ókiliniń dereginshe, atalǵan derekke qatysty sotqa deıingi tergeý amaldary bastaldy.

«Jambyl oblystyq polıııa departamet jol erejesin qatań saqtaýdy eskertedi», – dedi Gúlsara Muhtarqulova.