جامبىل وبلىسىندا جول اپاتىنان 6 ادام جانە 2 پوليتسەي قازا تاپتى

فوتو: t.me/kris_p_almaty_official

مەركى-شۋ-بۋرىلبايتال تاس جولىندا بولعان جول اپاتىنان التى ادام قازا تاپتى, ونىڭ ىشىندە ەكى پاترۋل بولدى. بۇل تۋرالى Stan.kz اقپارات اگەنتتىگى حابارلايدى.

الەۋمەتتىك جەلىلەردە جول-كولىك وقيعاسى تۋرالى اقپارات پەن قايعىلى وقيعا ورنىنان تۇسىرىلگەن كادرلار پايدا بولدى. ءمالىم بولعانداي, كولىكتەر مەركى-شۋ-بۋرىلبايتال تاس جولىندا سوقتىعىسقان.

پوليتسيا دەپارتامەنتىنىڭ ءباسپاسوز قىزمەتى جول-كولىك وقيعاسىنىڭ 17 تامىز كۇنى ساعات 01:00 شاماسىندا, رەسپۋبليكالىق ماڭىزى بار مەركى-شۋ-بۋرىلبايتال تاس جولىنىڭ 40-شى شاقىرىمىندا بولعانىن حابارلادى.

«تويوتا الفارد جۇرگىزۋشىسى قارسى جولاققا شىعىپ كەتىپ, پوليتسيانىڭ «Skoda Octavia» پاترۋلدىك كولىگىمەن سوقتىعىسقان. اپات سالدارىنان قىزمەتتىك كولىكتە بولعان جانە جول قوزعالىسى قاۋىپسىزدىگىن قامتاماسىز ەتكەن ەكى پاترۋلدىك پوليتسيا قىزمەتكەرى وقيعا ورنىندا كوز جۇمدى. قازا بولعان پوليتسەيلەردىڭ ءبىرى 11 بالاسى بار اكە. Toyota Alphard كولىگىندە 8 جولاۋشى بولعان. ولاردىڭ تورتەۋى وقيعا ورنىندا كوز جۇمدى, جۇرگىزۋشى مەن تاعى ءۇش جولاۋشى ءارتۇرلى اۋىرلىقتاعى جاراقاتتارمەن ورتالىق وبلىستىق اۋرۋحاناعا جاتقىزىلدى», – دەپ حابارلادى پوليتسيا دەپارتامەنتى.

اتالعان فاكتى بويىنشا قىلمىستىق كودەكسىنىڭ 345-بابىنىڭ 4-بولىگى «ادام ولىمىنە اكەپ سوققان جول قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەۋ باستالدى. تەرگەۋ شارالارى جۇرگىزىلىپ جاتىر.

پوليتسيا دەپارتامەنتى قازا بولعانداردىڭ وتباسىلارىنا كوڭىل ايتتى.