جامبىل تۇرعىنى بىرەۋدىڭ مالدارىن ساتىپ, قۇمار ويىنعا جۇمساعان

تۇرار رىسقۇلوۆ اۋداندىق سوتى بىرەۋدىڭ سەنىپ تاپسىرعان مۇلكىن يەمدەنiپ الدى دەپ ايىپتالعان ازاماتقا قاتىستى قىلمىستىق ءىستى قارادى, دەپ حابارلايدى Qandastar.kz.

2018 جىلى سوتتالۋشى مەن جابىرلەنۋشى جازباشا ەڭبەك شارتىن جاساسىپ, وعان سايكەس جابىرلەنۋشى سوتتالۋشىعا 63 باس ءىرى قارا مالىن جانە 423 باس قويدى باعۋعا سەنىپ تاپسىرعان.

2024 جىلدىڭ قىركۇيەگى مەن 2025 جىلدىڭ قاڭتارى ارالىعىندا سوتتالۋشى جۇمىس بەرۋشىنىڭ سەنىمى مەن باقىلاۋىنىڭ جوقتىعىن پايدالانىپ, بازاردا بارلىعى 184 قوي, 17 سيىر مەن 10 بۇزاۋدى ساتىپ جىبەرگەن. ال ودان الىنعان قاراجاتتى ءوزى يەمدەنىپ, قۇمار ويىندارعا جۇمساعان.

ناتيجەسىندە جابىرلەنۋشىگە 14,5 ملن تەڭگەدەن استام سومادا ماتەريالدىق زالال كەلتىرىلگەن.

سوت ۇكىمىمەن سوتتالۋشى كىنالى دەپ تانىلىپ, وعان 3 جىل باس بوستاندىعىن شەكتەۋ تۇرىندەگى جازا تاعايىندالدى.