Jambyl turǵyny bireýdiń maldaryn satyp, qumar oıynǵa jumsaǵan

Turar Rysqulov aýdandyq soty bireýdiń senip tapsyrǵan múlkin ıemdenip aldy dep aıyptalǵan azamatqa qatysty qylmystyq isti qarady, dep habarlaıdy Qandastar.kz.

2018 jyly sottalýshy men jábirlenýshi jazbasha eńbek shartyn jasasyp, oǵan sáıkes jábirlenýshi sottalýshyǵa 63 bas iri qara malyn jáne 423 bas qoıdy baǵýǵa senip tapsyrǵan.

2024 jyldyń qyrkúıegi men 2025 jyldyń qańtary aralyǵynda sottalýshy jumys berýshiniń senimi men baqylaýynyń joqtyǵyn paıdalanyp, bazarda barlyǵy 184 qoı, 17 sıyr men 10 buzaýdy satyp jibergen. Al odan alynǵan qarajatty ózi ıemdenip, qumar oıyndarǵa jumsaǵan.

Nátıjesinde jábirlenýshige 14,5 mln teńgeden astam somada materıaldyq zalal keltirilgen.

Sot úkimimen sottalýshy kináli dep tanylyp, oǵan 3 jyl bas bostandyǵyn shekteý túrindegi jaza taǵaıyndaldy.