«Jańa adamdar» pedofıldermen kúrestiń jańa ádisin tapty

 Foto: jeke qorynan 

«Jańa adamdardyń» «124» azamattyq naýqanynyń belsendileri áleýmettik eksperıment júrgizdi. Kámelet jasyna tolǵan belsendi tanymal messendjerde profıl quryp, jasyn 12 dep belgiledi. Kishkentaı qyz birden birneshe jańa tanystar tapty, – dep jazady qandastar.kz

Olar balanyń jasynan qysylmady. Bar-joǵy birneshe saǵat ishinde áleýetti azǵyndar belsenip, pasyq usynystaryn jaza bastady. Eń tabandysy ózin «Narıman» dep tanystyrǵan jas jigit boldy. Ol balaǵa jynystyq qatynasty ashyq túrde usyna bastady. Qyzdyń abdyrap, bul ne degen saýalyna Narıman: «Sen tósekke jatasyń, qalǵanyn sol kezde kórsetemin», – dep jaýap berdi. Jas máselesi pedofıldi alańdatpady da. Habarlamada ol: «Men jaı ǵana jynystyq qatynasqa tússem bolǵany, tipti sen 2 aılyq bolsań da, senen bas tartpaımyn», – dedi.

Áleýetti azǵyn Astana qalasynyń turǵyny 24 jastaǵy Narıman B. bolyp shyqty. Narıman birneshe kún boıy óz degeninen qaıtpaı, kezdesýdi usyndy. «124» belsendileri oǵan bul kezdesýdi uıymdastyryp berdi. Pedofıl kınorýmda kezdesýdi sheshti. Alaıda, ony kórýge 12 jasar balanyń ornyna birneshe ondaǵan «Jańa adamdar» belsendileri keldi. Pedofıl «qarabet dálizinen» ótýge májbúr boldy, al qoǵamdyq jaza retinde keńinen tanymal rezeńke buıym astynda qaldy.

Belsendilerdiń ornynda shyn kishkentaı bala bolsa, ne bolatynyn elestetýdiń ózi qorqynyshty. Qazaqstan Respýblıkasynyń Qylmystyq kodeksinde 124-bap – «On alty jasqa tolmaǵan adamdardy azǵyndyq jolǵa túsirý» týraly qamtıdy. «124» azamattyq naýqanynyń belsendileri balalardyń qaýipsizdigi úshin áleýetti pedofılderdi anyqtap, olardyń esimderin jarııa etýdi jalǵastyrady. Kez kelgen azǵyn kezdesýge kóndiretin balanyń ornyna rezeńke buıymdary bar, onyń betine basýǵa qaýqarly, shymyr jigitter kelýi múmkin ekenin jaqsylap este saqtaýy kerek.