جاڭا يپوتەكالىق باعدارلاما 1 مامىردان باستاپ ىسكە قوسىلادى

وتباسى بانكى ازىرگە باعدارلامانىڭ ناقتى شارتتارىن اتامادى. بەلگىلىسى – الەۋمەتتىك وسال ساناتتار, ياعني كوپبالالى وتباسىلار, جەتىمدەر مەن ەرەكشە قاجەتتىلىگى بارلارعا 7%, ال قالعاندارىنا – 9%.

الماتى مەن استانادا نەسيەنىڭ ەڭ جوعارى سوماسى – 30 ميلليون تەڭگە. قالعان ايماقتاردا – 18 ميلليون.

استانا, الماتى, شىمكەنت جانە 17 قالادا جاڭا ءۇيدى الۋعا رۇقسات. 17 قالانىڭ ىشىندە اقتاۋ, اقتوبە, اتىراۋ, قاراعاندى, كوكشەتاۋ, قوستاناي, قىزىلوردا, قوناەۆ, پاۆلودار, پەتروپاۆل, سەمەي, جەزقازعان, تالدىقورعان, تاراز, تۇركىستان, ورال, وسكەمەن بار.

قالعان ەلدى مەكەندەردە جاڭا ءۇيدى دە, قايتالاما نارىقتاعى پاتەردى دە, جەر ءۇيدى دە الۋعا بولادى. يپوتەكا تەك مونوقالالار ەمەس, قازاقستاننىڭ بارلىق ەلدى مەكەندەرىنە ەسەپتەلەدى.