Jańalyqtar
Jańa ıpotekalyq baǵdarlama 1 mamyrdan bastap iske qosylady
Otbasy banki ázirge baǵdarlamanyń naqty sharttaryn atamady. Belgilisi – áleýmettik osal sanattar, ıaǵnı kópbalaly otbasylar, jetimder men erekshe qajettiligi barlarǵa 7%, al qalǵandaryna – 9%.
Almaty men Astanada nesıeniń eń joǵary somasy – 30 mıllıon teńge. Qalǵan aımaqtarda – 18 mıllıon.
Astana, Almaty, Shymkent jáne 17 qalada jańa úıdi alýǵa ruqsat. 17 qalanyń ishinde Aqtaý, Aqtóbe, Atyraý, Qaraǵandy, Kókshetaý, Qostanaı, Qyzylorda, Qonaev, Pavlodar, Petropavl, Semeı, Jezqazǵan, Taldyqorǵan, Taraz, Túrkistan, Oral, О́skemen bar.
Qalǵan eldi mekenderde jańa úıdi de, qaıtalama naryqtaǵy páterdi de, jer úıdi de alýǵa bolady. Ipoteka tek monoqalalar emes, Qazaqstannyń barlyq eldi mekenderine esepteledi.