Jańa mereke. Qazaqstandyqtar endi nan kúnin atap ótedi

Qazaqstandyqtar jyl saıyn qazan aıynda Nan kúnin atap ótedi. Buıryqty premer-mınıstr Asqar Mamın berdi, dep habarlaıdy Interfaks-Qazaqstan.

«Úkimet qaýly etedi: Úkimettiń 2017 jylǵy 31 qazandaǵy «Qazaqstan Respýblıkasyndaǵy memlekettik merekelerdiń tizimin bekitý týraly» qaýlysyna kelesi ózgertýler men tolyqtyrýlar engizý týraly: atalǵan qaýlymen bekitilgen Qazaqstan Respýblıkasyndaǵy memlekettik merekeler tizimine kelesi tarmaq qosylsyn: «Nan kúni – 16 qazan, 44-tarmaq mynadaı redakııada jazylsyn: «Aýyl sharýashylyǵy, tamaq jáne qaıta óńdeý ónerkásibindegi jumysshylar kúni – qarashanyń úshinshi jeksenbisi», delingen normatıvtik quqyqtyq aktiler bankiniń saıtynda jarııalanǵan qaýlynyń mátininde.

Esterińizge sala keteıik, Qazaqstanda Nan kúnin 2017 jyly atap ótýdi depýtattar usynǵan bolatyn.

«Italııada qyzanaq kúni, Grekııada sharap festıvali, Gollandııada qyzǵaldaq kúni, al Germanııada syra kúni toılanady. Biz Nan kúnin jyl saıyn keń kólemde atap ótýdi usynamyz», — dedi depýtat 2017 jyldyń jeltoqsanynda Parlamenttiń tómengi palatasynyń otyrysynda.