جاڭا ريم پاپاسى ءالى سايلانعان جوق

ۆاتيكاندا ريم پاپاسىن سايلاۋ ءراسىمى ءوتىپ جاتىر. ءبىرىنشى تۋردا كونكلاۆ جاڭا پاپانى سايلاي العان جوق. بۇل تۋرالى qandastar.kz سايتى “ريا نوۆوستي” اگەنتتىگىنە سىلتەمە جاساپ حابارلايدى.

داۋىس بەرۋدەن كەيىن قۇدايعا قۇلشىلىق جاساۋ ءراسىمى وتەدى, ودان كەيىن كاردينالدار قوناقۇيگە –اۋليە پەتر سوبورىنىڭ جانىندا ورنالاسقان اۋليە مارفا ۇيىنە قاراي اياڭدايدى.

بەيسەنبىدە جانە كەلەسى كۇندەردە ءتورت رەتتەن داۋىس بەرۋ سەسسياسى وتەدى – تاڭەرتەڭ ەكى رەت جانە تۇستەن كەيىن  ەكى رەت. داۋىس بەرۋ ناتيجەسىز اياقتالعان جاعدايدا, تۇستە جانە جەرگىلىكتى ۋاقىتپەن كەشكى ساعات 19.00-دە قارا ءتۇتىن شىعارىپ, بەلگى بەرەدى.

ەگەر كاردينالدار سول كۇنگى ءبىرىنشى جانە ءۇشىنشى راۋندتا پونتيفيكتى سايلاعان بولسا, جەرگىلىكتى ۋاقىت بويىنشا 10:30-دا نەمەسە 17.30-دا اق ءتۇتىن شىعارىپ بەلگى بەرەدى. ال جاڭا پاپا ەكىنشى جانە بەسىنشى راۋندا سايلانعان بولسا, ەكى ساعاتتان كەيىن حابارلانادى.

ەسكە سالساق, 2025 جىلعى 21 ساۋىردە ريم پاپاسى فرانتسيسك 88 جاسىندا ومىردەن وتكەن ەدى. قازىر ۆاتيكاندا جاڭا ريم پاپاسىن سايلاۋ ءۇشىن كونكلاۆ ءوتىپ جاتىر. بۇل – شىركەۋ تاريحىنداعى 267-ءشى پاپا بولماق. بيىلعى كونكلاۆتا رەكوردتىق كورسەتكىش تىركەلىپ, 70 ەلدەن 133 كاردينال قاتىسىپ جاتىر.