جاڭاوزەندە وقۋشى قۇربىسىن ۇرىپ, ۆيدەوعا تۇسىرگەن

فوتو: اشىق دەرەككوز

جاڭاوزەندە وقۋشى قىز وزىنە جالا جاپتى دەپ قۇربىسىن ۇرىپ-سوعىپ, وقيعانى ۆيدەوعا ءتۇسىرىپ الدى. جابىرلەنۋشىنىڭ اناسى ۆيدەونى كورىپ, پوليتسياعا ارىزدانعان. بۇل تۋرالى Stan.kz حابارلادى, دەپ جازادى qandastar.kz

ماڭعىستاۋ وبلىستىق سوتىنىڭ ءىس ماتەريالدارىنا سايكەس, 11 جاستاعى وقۋشى قىز سىنىپتاسىنىڭ ۇيىنە كەلىپ, كىرە بەرىسكە شىعۋىن وتىنگەن. «نەگە ماعان جالا جاۋىپ جاباسىڭ?» دەپ ول ۇرىپ-سوعىپ, نە بولىپ جاتقانىن ۆيدەوعا ءتۇسىرىپ الدى.

زارداپ شەككەن قىزدىڭ اناسى ۆيدەونى كورىپ, پوليتسياعا ارىزدانعان.

بۇل ءىس ماڭعىستاۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا قارالدى. سوت ۆيدەو اۆتورىنىڭ اتا-اناسىنا ايىپپۇل سالدى.

«قىلمىستىق قۇقىقبۇزۋشىلىق بەلگىلەرى بار قاساقانا ارەكەت جاساعان كامەلەتكە تولماعان بالانى تاربيەلەۋ جونىندەگى مىندەتتەردى ورىنداماعانى ءۇشىن قۇقىق بۇزۋشىنىڭ اتا-اناسىنا 20 اەك (73 840 تەڭگە) ايىپپۇل سالىندى”, – دەپ حابارلادى سوت.

اپەللياتسيالىق شاعىم بەرۋدىڭ سوڭعى مەرزىمى – 3 جەلتوقسان.