جاڭالىقتار
جانات باقىت تاعى ءبىر جاڭالىعىمەن ەلدى ەلەڭ ەتكىزدى
فوتو: اشىق دەرەككوز
جۋرناليست, قازىرگى مەديۋم جانات باقىت تاعى ءبىر جاڭالىعىمەن ەلدى ەلەڭ ەتكىزدى, دەپ جازادى qandastar.kz
ءوزىنىڭ تيكتوك پاراقشاسىندا جانات باقىت «ارۋاقتار وياندى!» دەگەن ەسكەرتۋ جاسادى.
«قازاق ءۇشىن ارۋاق كيەلى ۇعىم. قازاقتا «قۇداي اتقان وڭالادى, ارۋاق اتقان وڭالمايدى» دەگەن ءسوز بار. ارۋاق — قۇداي مەن ادام اراسىنداعى بايلانىس ورناتۋشى. ادام ءوز اتا تەگىنەن اجىراپ ءومر سۇرە المايدى. سول سەبەپتى ادام ءوزىن تانۋعا ءتيىس. قازىر ارۋاقتار ويانىپ جاتقان ۋاقىت. ارۋاقتار بىزگە كۇش-قۋات بەرەدى, ءبىزدىڭ كارمامىز. ءبىز رۋحاني ويانىپ, كەمەلدەنسەك قانا, اتا-بابا رۋحىنا پايداسىن تيگىزەدى», — دەگەن جانات باقىت رۋحاني ويانباساق, تەگىڭىزگە كەسىرىڭىزدى تيگىزەسىز دەپ ەسكەرتتى.
