جانقوشتىڭ ادۆوكاتى: ءانارۋدىڭ اۋىتقۋشىلىعى بولۋى مۇمكىن نەمەسە حايپ جاساپ وتىر

فوتو: اشىق دەرەككوز

جاڭقوش تۇراروۆ ءوزىن زورلادى دەپ ايىپتاعان قىزبەن تانىسقانى راس بولىپ شىقتى, – دەپ حابارلايدى qandastar.kz

تەك الەۋمەتتىك جەلىدە. مۇنى بوكسشىنىڭ ادۆوكاتى سامات مامىتوۆ الماتىدا جۋرناليستەرگە ارنالعان ءباسپاسوز ءماسليحاتىندا ايتتى. ال وزگە ايىپتاردى جوققا شىعارىپ وتىر. ادۆوكاتتىڭ سوزىنشە, قىزدىڭ دەنى ساۋ ەمەس نە بىرەۋدىڭ تاپسىرىسى بولۋى مۇمكىن.

«ءبىز بىرنەشە نۇسقانى قاراستىرىپ جاتىرمىز – ولاردىڭ ءبىرى اۋرۋ نەمەسە پسيحيكالىق اۋىتقۋشىلىق, ەكىنشىسى – تانىمال بولۋ ءۇشىن حايپ نەمەسە بۇل بىرەۋدىڭ بۇيرىعى», – دەدى ادۆوكات.

جۋرناليستەرمەن كەزدەسۋگە بوكسشىنىڭ ءوزى كەلمەدى. قورعاۋشىنىڭ سوزىنشە ول جەكپە-جەككە دايىندالىپ جاتىر.

بۇعان دەيىن ارىزدانۋشى ءانارۋ قۇرماناليەۆا جۋرناليستەرگە سۇحبات بەرىپ, جاڭقوش تۇراروۆتىڭ ونى زورلاپ, ودان كەيىن 6 جىل بويى قىر-سوڭىنان قالماي قويعانىن ايتقان ەدى.