«Januıasyn saǵynyp júrdi»: Indıra Elemes marqum Arman Dúısenovtiń stýdııada jan tapsyrǵanyn aıtty

Foto: Vıdeodan kadr

Belgili ánshi Indıra Elemes marqum kompozıtor, sazger Arman Dúısenovtiń sońǵy sátinde janynda bolǵanyn aıtty, dep habarlaıdy Skifnews.kz aqparat portaly.

О́ner ıesi «Astarly aqıqat» baǵdarlamasyna kelip, marqumnyń sońǵy sózin de aıtyp berdi.

«Júregi toqtap, bir sátte ketip qaldy. Qatty qınalyp, aýyrǵan da joq. Osy stýdııada boldy. Qasyndaǵy jigitterdiń aıtýynsha, sý iship, jatyp qalǵan. Sodan oıanbaǵan. Tańǵy 9-dar shamasynda júrip ketken. Sońǵy demi qalǵansha ekeýmiz stýdııada án jazdyq. Aǵaly-qaryndas bolyp aralasatyn edik. Tipti janazasyn ózimniń úıimnen shyǵarǵym keldi. Biraq ımamdar ruqsat etpedi. Jan tapsyrǵan stýdııadan ortalyq meshitke alyp ketti. Bul taqyrypta áńgime aıtý maǵan qıyn. Biraq aqıqaty osy», – dedi ánshi.

О́ner ıesi kompozıtordyń otbasymen bólek turatynyn da jasyrmady.

«Sońǵy kezde januıasyn qatty saǵynyp júrgenin aıtty. Bala-shaǵasy men áıelin jıi aıta beretin. Qansha ýaqyt ótse de, áli de umyta almaımyn. Eshkimdi sókkim kelmeıdi. Biraq sondaı tulǵanyń janazasyn shyǵarýǵa kelgende úlken suraq bolyp qalýy óte ókinishti. Ne aıtarymdy da bilmeımin?! «Úı bolmasa, meniń úıimnen shyǵaraıyq» dep aıtqanym ras. Arman aǵa otbasyn qatty jaqsy kóretin. Qyzy Londonda oqıtyn edi, sony ýaıymdaıtyn. Bir kúni «Ulym Abylaı meniń ornymdy basady. Ol meniń izimdi jalǵastyrady. Aısulý da keremet kelinshek. Sol qalpynda jaqsy kóremin» dep aıtty. Sol kezde ketetinin sezdirdi. Biraq biz tyıyp tastap otyrdyq», – dedi óner ıesi.

Aıta keteıik, baǵdarlama ujymy marqumnyń otbasy stýdııaǵa kelýden bas tartqanyn aıtty.