JAPPAI KITAP OQITYN ULTQA AINALÝ MAŃYZDY

Memleket basshysy  Ulttyq quryltaıda jastardy kitap oqýǵa baýlý keregin aıtty. Jappaı kitap oqıtyn ultqa aınalý mańyzdy. Qazir Atyraý oblysynda 139 kitaphana jumys istep tur.

Kitap qory shamamen 2,5 mln asady. О́ńir turǵyndary men kitaphanashylar táýlik boıy jumys isteıtin zamanaýı kitaphananyń da ashylǵanyn quptaıdy. О́ńirdegi eń baı kitaphananyń biri Ǵ. Slanov atyndaǵy ámbebap kitaphana. Qazir munda 360 myńnan asa kitap bar. Byltyr jergilikti bıýdjetten 15 mln teńgege jýyq qarajat bólinip, 3793 kitap satyp alynǵan.

Qazir jastardyń kitap oqýǵa degen yntasy ashylyp kele jatyr, deıdi kitaphana dırektory. Eger táýlik boıy jumys isteıtin kitaphana ashylsa, mamandar da jumys isteýge ázir.  Sara Izmuhambetova, Ǵ.Slanov atyndaǵy ámbebap kitaphananyń dırektory: – Biz kitaphanashylar egerde qoldaý bolsa, kitaphanamyzda jańa kitaptar kóp kelip, zamanaýı kitaphana etse, bizdiń kitaphanashylar ondaı jumysqa daıynbyz.

Sebebi ol ózimizdiń súıip jasap jatqan mamandyǵymyz bolǵasyn, oqyrmandardyń kelip, kitaphanany paıdalanýǵa biz birden bir úlesimizdi qosa alamyz. Jalpy kitaptyń zamanaýı bolǵanda oqyrmandar keledi dep oılaımyn. Sondyqtan kitap qory jańa baspadan shyǵyp jatqan kitappen tolyǵyp otyrsa…  Memleket basshysy Ulttyq quryltaıda toqsanynshy jyldardaǵy alasapyran ýaqytynda myńdaǵan kitaphananyń jabylyp, mıllıondaǵan kitap qorynan aıyrylǵanymyzdy aıtty. Sońǵy jyldary jaǵdaıdy túzeý úshin jumystar júrip jatyr. Almaty men Astanada táýlik boıy jumys isteıtin kitaphanalar salynady. Prezıdent alqaly jıynda osy jaqsy tájirıbeni oblys ákimderiniń jalǵastyrýy keregin de tilge tıek etti. Táýlik boıy jumys isteıtin zamanaýı kitaphana týraly óńir jastarynyń da pikirin tyńdap kórdik. BLI: – Jastardyń jınalatyn jaqsy bir alańy bolar edi dep oılaımyn. Ol jerde dıskýssııa bolady, jańa ıdeıalar dúnıege keledi.

Jaqsy orta qalyptasady. Qoldaımyn. Kitap oqý máselesine keletin bolsaq, jastardy kitap oqýǵa tartý máselesin bir júıege keltirý kerek degen oıdamyn.  – Kóp adam jumys ýaqytynda bara almaıdy. Sabaq ýaqytynda, mysaly. Sol úshin keshki ýaqytta bizge baratyndaı yńǵaıly bolar edi.  – Qazirgi tańda jastardyń kitap oqýǵa degen yntasy bara-bara ósip keledi. Sebebi sheteldik ádebıet qazaq tiline jaqsy aýdarylýda.  Ustazdar qaýymy da táýlik boıy jumys isteıtin zamanaýı kitaphana salý týraly usynysty qoldaıdy. О́ıtkeni jastardyń kitap oqýǵa degen qulshynysyn arttyrý el mádenıetiniń damýyna jol ashady.

Salamat Idirisov, pedagogıka ǵylymdarynyń kandıdaty: – Atyraý oblysynda da osyndaı úlken, ári jastarǵa arnalǵan kitaphana kerek. Ábish Kekilbaevtyń bir jaqsy sózi bar: «Adamdy adam etken kitap, adamzat etken kitaphana.» Jańa zamanaýı kitaphanalardyń salynýy óte qajetti jáne qazirgi kúnniń suranysy dep esepteımin. Aslanbek Shyǵyr, tilshi: – Kitaphana memlekettiń, ulttyń negizgi jady. Elimiz úshin qundy derekter men materıaldardyń deni kitaphanada saqtalady. Memleket basshysy úshinshi Ulttyq quryltaıda jastardy kitap oqýǵa baýlý ozyq oıly ult bolýǵa degen mańyzdy umtylys ekenin aıtty. Endeshe uıaly telefonǵa telmirmeı, telegeı bilim teńizine baǵyt alar ýaqyt keldi.