جاس ماماندار زياتكەرلىك ويىندا بەلسەندىلىك تانىتتى

ماڭعىستاۋلىق جاس ماماندار وقىتۋدان كەيىن زياتكەرلىك ويىن وينادى. بەس توپقا بولىنگەن كوماندالارعا لوگيكالىق سۇراقتار, تاريح, ادەبيەت, سپورت جانە تاعى باسقا دا باعىتتاعى سۇراقتار قويىلدى. كۋيز 7 كەزەڭنەن تۇردى, ءار دۇرىس جاۋاپقا 1 ۇپايدان بەرىلدى.

«كۋيز جاس مامانداردىڭ ءوزارا ىنتىماقتاستىعىن ارتتىرۋعا, ءۇش كۇنگە سوزىلعان وقىتۋدان ءبىر سەرگىپ الۋعا مۇمكىندىك بەردى. ويىن تارتىستى ءارى قىزىقتى ءوتتى. مينۋت ىشىندە توپپەن اقىلداسىپ, دۇرىس جاۋاپبىن تابۋعا تالپىندىق. ەڭ باستىسى جاڭا ءبىلىم الىپ, ارىپتەستەرمەن جىلى قارىم-قاتىناس ورناتىپ, تاجىريبە الماسقانىما قۋانىشتىمىن. ۇيىمداستىرۋشى «جەتى جۇرت» قوعامدىق بىرلەستىگى مەن التىنگۇل حانىمعا العىسىمدى بىلدىرەمىن», — دەيدى مۇنايلى اۋدانىنان كەلگەن مۇعالىم ءاسيا جۇسىپبەكوۆا.

تارتىسقا تولى ءبىلىم سىنىندا «مارس» توبى جۇلدەلى 3-ورىندى قانجىعاعا بايلادى. 2-ورىندى «ارپا ىشىندە ءبىر بيداي» كومانداسى ەنشىلەدى. ال 1-ورىنعا «7 Zhurt + 1» توبى يە بولدى. قاتىسۋشىلار «7 جۇرت» قوعامدىق بىرلەستىگىنىڭ العىس حاتى جانە سىيلىعىمەن ماراپاتتالدى.

ەسكە سالايىق, ينتەللەكتۋالدى ويىن ماڭعىستاۋ وبلىسى ءبىلىم باسقارماسىنىڭ تاپسىرىسى نەگىزىندە ازاماتتىق باستامالاردى قولداۋ ورتالىعىمەن بىرلەسە «7 جۇرت» قوعامدىق بىرلەستىگى ۇيىمداستىردى.