Jasandy ıntellekt áskerdegi álimjettikten qalaı qutqarady?

Qorǵanys vıe-mınıstri Darhan Ahmedıev áskerı qyzmetshiler beınebaqylaý men jasandy ıntellekt arqyly qalaı baqylanatyny týraly aıtty, dep habarlaıdy qandastar.kz  Orda.kz-ke silteme jasap.

Darhan Ahmedıev jýrnalısterdiń áskerdegi álimjettik pen zorlyq-zombylyq máselesin qalaı sheshetini týraly suraǵyna jaýap bere otyryp, áskerı bólimderde beınebaqylaý júıesin jetildirip jatqandyǵyn aıtty.

«Qazir kameralarǵa túspeıtin jerlerdi zerttep jatyrmyz. Biz áskerı polıııa basqarmasymen birlesip jumys istep, qandaı aımaqtar kameralarmen qamtylýy kerektigin anyqtaımyz. Buıryqqa ózgerister engizemiz, sodan keıin ol áskerge jiberiledi, olar óz ǵımarattaryn jańa normalarǵa sáıkestendiredi», — dedi vıe-mınıstr.

Sonymen qatar, Ahmedıevtiń aıtýynsha, «álimjettik aımaǵy» sanalatyn jýynatyn bólme men  dárethana sııaqty oryndarǵa erekshe nazar aýdarylady. Mundaı jerlerde sarbazdardy jasandy ıntellekt baqylaıdy.

Sondaı-aq, dárethanalarǵa kamera ornatylmaıdy. Biraq ótý jolynda kameralar ornatý qarastyrylady. Qazir beıne aǵyndaryn taldaý úshin jasandy ıntellekt engizilýde. Áskerı qyzmetshilerdiń bir jerde uzaq ýaqyt turýy nemese adamdardyń jınalýy, 2-3 nemese odan da kóp adamnyń osy oryndarǵa bir ýaqytta kirýi, kirgen jerlerinen uzaq ýaqyt shyqpaı qalǵanda júıe bólim kezekshisine belgi beredi eken. Al dabyl túsken jaǵdaıda beıne jazba avtomatty túrde áskerı polıııa organdaryna jiberiledi.