جاستار اراسىنداعى حالىقارالىق تۋرنير

تالدىقورعاندا 23 جاسقا دەيىنگى دزيۋدوشىلار اراسىندا حالىقارالىق تۋرنير باستالدى. جارىس ەلىمىزگە ەڭبەك سىڭىرگەن جاتتىقتىرۋشى باۋىرجان ءجاناليندى ەسكە الۋعا ارنالعان. باۋىرجان سەكەربەك ۇلى سامبو كۇرەسىنەن حالىقارالىق دارەجەدەگى سپورت ساڭلاقتارىن دايىنداعان بىلىكتى مامان.

شاكىرت تاربيەلەۋمەن قاتار سامبودان «ازيا» فەدەراتسياسىنىڭ پرەزيدەنتى جانە  دۇنيەجۇزىلىك فەدەراتسيانىڭ ۆيتسە-پرەزيدەنتى قىزمەتتەرىن اتقاردى. جەتىسۋ تورىندەگى بايراقتى باسەكەگە 300-دەن اسا سپورتشى جينالدى. ولار الداعى 3 كۇن بويى 7 سالماق دارەجەسىندە ءوزارا مىقتىنى انىقتايدى. ايتا كەتەيىك, حالىقارالىق تۋرنير وسىمەن 3-ءشى جىل قاتارىنان ۇيىمداستىرىلىپ وتىر. «بۇل جاس دزيۋدوشىلاردىڭ تاجىريبە الماسۋىنا جانە شەبەرلىك شىڭداۋىنا جاقسى مۇمكىندىك», — دەيدى ماماندار.    ەرلان تاجىكوۆ جارىستىڭ باس تورەشىسى: — بالالار تاجىربيە السا ەكەن دەپ ۇيىمداستىرىپ وتىرمىز. ءبىر-بىرىمەن قازاقستان چەمپيونى, ازيا چەمپيونى كۇرەسىپ جاتىر. ءبىرىنشى ەكىنشى ءۇشىنشى ورىن العان بالالارعا كمس جانە اقشالاي سىيلىق بەرىلەدى. بەكزات  قۇرمانباي اباي وبلىسىنىڭ بالۋانى: — وسى جارىسقا ءۇشىنشى رەت قاتىسىپ تۇرمىن. بەسىنشى جانە جەتىنشى ورىنمەن اياقتاعام. ەندى سول بەسىنشى, جەتىنشى ورىنداردى التىنعا تۇزەيمىز.

ءوزىم ءۇشىن ءبىرىنشى ەكىنشى سحۆاتكا جاقسى باستالدى. شىمكەنت قالاسىندا سۇرمەرگەندەر سايىسى ءوتىپ جاتىر قاجىمۇقان مۇڭايتپاسوۆ اتىنداعى ستاديوندا ساداق اتۋدان حالىقارالىق تۋرنير باستالدى. «شىمكەنت گران-ءپريى» دەپ اتالاتىن بايراقتى باسەكەگە بەلارۋس, قىرعىزستان, تاجىكستان جانە وزبەكستان وكىلدەرى كەلدى. بۇعان قوسا, ەلىمىزدىڭ تۇىكپىر-تۇكپىرىنەن جينالعان قازاقستان قۇراماسى بار. باس-اياعى 250-دەن اسا قاتىسۋشى 5 كۇن بويى ءوزارا مىقتىنى انىقتايدى. وسى ارقىلى ەلىمىزدەگى ساداق اتۋ سپورتىنىڭ دامۋىنا تىڭ سەرپىن بەرگىمىز كەلەدى دەيدى ۇيىمداستىرۋشىلار. اسىرەسە, جاس سپورشىلاردىڭ شەبەرلىك شىڭداۋىنا جاقسى مۇمكىندىك.

ويتكەنى, تۋرنير بارىسىندا ازيا جانە الەم چەمپيوناتتارىنىڭ جەڭىمپزادارى مەن جۇلدەگەرلەرى دە باق سىنايدى.تاعى ايتا كەتەرلىگى, حالىقارالىق تۋرنير ارقىلى قازاقستاندىق جاتتىقتىرۋشىلار مەن تورەشىلەردىڭ دە كاسىبي بىلىكتىلىگىن ارتتىرۋ كوزدەلەدى.